കൊച്ചി: കുവൈത്തിലേക്ക് ഹെറോയിന്‍ കടത്താന്‍ ശ്രമിച്ച കേസിലെ നാലു പ്രതികള്‍ക്ക് എറണാകുളം അഡീഷണല്‍ ജില്ലാ സെഷന്‍സ് കോടതി 10 വര്‍ഷം കഠിന തടവും മൂന്നു ലക്ഷം രൂപ വീതം പിഴയും വിധിച്ചു.
തൃശൂര്‍ സ്വദേശികളായ ദിലീപ് പി. ഹരിദാസ്, ലിജോ കെ. ജോസ്, ഷഹീര്‍ പി. എച്ച്, വിജീഷ് ഐ.ആര്‍ എന്നിവരെയാണ് നര്‍ക്കോട്ടിക് ഡ്രഗ്‌സ് ആന്‍ഡ് സൈക്കോട്രോപിക്  സബ്സ്റ്റന്‍സസ് നിയമത്തിലെ വിവിധ വകുപ്പുകള്‍ പ്രകാരം കുറ്റക്കാരാണെന്ന് കണ്ടെത്തിയത്. 2014 ഡിസംബര്‍ 18ന് 1.440 കിലോ ഹെറോയിനുമായി കുവൈത്തിലേക്ക് കടക്കാന്‍ ശ്രമിച്ച ദിലീപ് പി. ഹരിദാസിനെ കൊച്ചി രാജ്യാന്തര വിമാനത്താവളത്തില്‍ വച്ച്  നര്‍ക്കോട്ടിക്‌സ് കണ്‍ട്രോള്‍ ബ്യൂറോ ഉദ്യോഗസ്ഥര്‍ പിടികൂടുകയായിരുന്നു.
 തുടര്‍ന്ന് നടന്ന അന്വേഷണത്തിലാണ് ഇയാളുടെ സഹായികളായ സംഘത്തിലെ മറ്റു മൂന്നു പ്രതികളെയും പിടികൂടിയത്.
ഇന്റലിജന്‍സ് ഓഫിസര്‍  കുമാര്‍ മനോഹര്‍ മഞ്ജുളാണ് കേസ് അന്വേഷിച്ചത്.