അത്തോളി: തലക്കുളത്തൂര്‍ ഗ്ലോബല്‍ കെ.എം.സി.സി ലോഞ്ചിങിനോടനുബന്ധിച്ച് നിര്‍ധന രോഗികള്‍ക്ക് നല്‍കുന്ന ധനസഹായം വിതരണം ചെയ്തു. അണ്ടിക്കോട് മിയാമി കണ്‍വന്‍ഷന്‍ സെന്ററില്‍ നടന്ന കാരുണ്യ സ്പര്‍ശം 2017 പരിപാടി മുസ്‌ലിംലീഗ് ജില്ലാ പ്രസിഡന്റ് ഉമര്‍ പാണ്ടികശാല ഉദ്ഘാടനം ചെയ്തു.
കെ.എം.സി.സിയുടെ പ്രവര്‍ത്തനങ്ങള്‍ അഭിനന്ദനാര്‍ഹമാണെന്ന് അദ്ദേഹം അഭിപ്രായപ്പെട്ടു. സ്വാഗതസംഘം ചെയര്‍മാന്‍ ഇബ്രാഹിം ഹസന്‍ പുറക്കാട്ടിരി അധ്യക്ഷനായി.
എസ്.ടി.യു സംസ്ഥാന പ്രസിഡന്റ് അഹമ്മദ് കുട്ടി ഉണ്ണിക്കുളം ചികിത്സാ സഹായ വിതരണം നടത്തി. ലോഗോ പ്രകാശനവും പഞ്ചായത്ത് ഭാരവാഹികളെ ആദരിക്കലും ഉമര്‍ പാണ്ടികശാലയും മെമ്പര്‍ഷിപ്പ് വിതരണം മണ്ഡലം ലീഗ് പ്രസിഡന്റ് കെ. മാമുക്കോയ ഹാജിയും, കലണ്ടര്‍ പ്രകാശനം മലയില്‍ അബ്ദുല്ലക്കോയയും, ഗ്ലോബല്‍ കെ.എം.സി.സി അംഗങ്ങള്‍ക്കും കോ-ഓഡിനേറ്റര്‍മാര്‍ക്കുമുള്ള ആദരിക്കല്‍ ചടങ്ങ് നിര്‍വാഹക സമിതി അംഗം മുഹമ്മദ് റിയാസും നിര്‍വഹിച്ചു.
വിവിധതലങ്ങളില്‍ മികവു തെളിയിച്ചവരെ ചടങ്ങില്‍ അനുമോദിച്ചു. പഞ്ചായത്ത് മുസ്‌ലിംലീഗ് ജനറല്‍ സെക്രട്ടറി കെ. ഫൈജാസ് കോട്ടുമല ബാപ്പുമുസ്‌ലിയാര്‍ അനുസ്മരണ പ്രമേയം അവതരിപ്പിച്ചു.
മുഹ്‌സിന്‍ നദ്‌വി, ഷാഹുല്‍ ഹമീദ്, മുസ്‌ലിം ലീഗ് മണ്ഡലം ജനറല്‍ സെക്രട്ടറി ഒ.പി നസീര്‍, പഞ്ചായത്ത് ലീഗ് പ്രസിഡന്റ് കെ.കെ ഉമര്‍ ഹാജി, റഷീദ് വെങ്ങളം, ജാഫര്‍ സാദിഖ്, നൂറുദ്ദീന്‍ ചെറുവറ്റ, ഷാജല്‍ ബാലുശ്ശേരി, ഷാഹിര്‍ കുട്ടമ്പൂര്‍, സി.വി. ജലീല്‍, തസ്‌ലി കാര്യോട്ടില്‍, എം.പി ഫൈസല, സി.ടി അബ്ദുസലീം, കെ. നവാസ്, എക്‌സിക്യൂട്ടിവ് അംഗം മുഹമ്മദ് റിയാസ്, സ്വാഗതസംഘം കണ്‍വീനര്‍ സക്കീര്‍ പറമ്പത്ത് സംസാരിച്ചു.