ഇസ്‌ലാമിക് റിസര്‍ച്ച് ഫൗണ്ടേഷന്‍ നിരോധനം കേന്ദ്രം രേഖകള്‍ സമര്‍പ്പിക്കണമെന്ന് ഡല്‍ഹി ഹൈക്കോടതി

backup

January 14 2017 | 01:01 AM

%e0%b4%87%e0%b4%b8%e0%b5%8d%e2%80%8c%e0%b4%b2%e0%b4%be%e0%b4%ae%e0%b4%bf%e0%b4%95%e0%b5%8d-%e0%b4%b1%e0%b4%bf%e0%b4%b8%e0%b4%b0%e0%b5%8d%e2%80%8d%e0%b4%9a%e0%b5%8d%e0%b4%9a%e0%b5%8d-%e0%b4%ab-2

ന്യൂഡല്‍ഹി: കേന്ദ്ര സര്‍ക്കാരിന്റെ നിരോധനത്തിനെതിരേ ഇസ്‌ലാമിക പ്രബോധകന്‍ സാക്കിര്‍ നായിക്കിന്റെ ഇസ്‌ലാമിക് റിസര്‍ച്ച് ഫൗണ്ടേഷന്‍(ഐ.ആര്‍.എഫ്) ഡല്‍ഹി ഹൈക്കോടതിയില്‍ വാദം ഉന്നയിച്ചു. യു.എ.പി.എ നിയമപ്രകാരം സംഘടനയ്‌ക്കെതിരേ അടിയന്തര നടപടിയെടുക്കാന്‍ യായൊരു തെളിവുകളുമില്ലെന്നു സംഘടന കോടതിയില്‍ വ്യക്തമാക്കി.
കേസില്‍ കേന്ദ്ര സര്‍ക്കാരിന്റെയും ഐ.ആര്‍.എഫിന്റെയും വാദം കേട്ട ജസ്റ്റിസ് സഞ്ജീവ് സച്ച്‌ദേവ 17ന് ഇതുമായി ബന്ധപ്പെട്ട രേഖകള്‍ സമര്‍പ്പിക്കണമെന്ന് ആവശ്യപ്പെട്ടു. കഴിഞ്ഞ നവംബര്‍ 17നാണ് കേന്ദ്ര ആഭ്യന്തര മന്ത്രാലയം ഐ.ആര്‍.എഫിനു മേല്‍ അടിയന്തര നിരോധനം ഏര്‍പ്പെടുത്തി ഉത്തരവ് പുറപ്പെടുവിച്ചത്.
ഉത്തരവിനു മുന്‍പ് തങ്ങള്‍ക്ക് കാരണം കാണിക്കല്‍ നോട്ടിസോ മറ്റു രേഖകളോ ഒന്നും നല്‍കിയില്ലെന്നും ഒരു തെളിവുമില്ലാതെയാണു നടപടിയെന്നും ഐ.ആര്‍.എഫ് വാദിച്ചു. ഐ.ആര്‍.എഫിന്റെ അംഗങ്ങള്‍ നടത്തിയ പ്രസംഗത്തില്‍ പ്രചോദിതരായി രാജ്യത്തെ പല യുവാക്കളും ഭീകരവാദ പ്രവര്‍ത്തനങ്ങളിലേക്കു നീങ്ങുന്നതായി ലഭിച്ച വിവരത്തിന്റെ അടിസ്ഥാനത്തിലാണ് അടിയന്തര നിരോധനം ഏര്‍പ്പെടുത്തിയതെന്ന് കേന്ദ്രത്തിനു വേണ്ടി ഹാജരായ അഡിഷനല്‍ സോളിസിറ്റര്‍ ജനറല്‍ സഞ്‌ജെയ് ജെയ്ന്‍ പറഞ്ഞു.
ഐ.ആര്‍.എഫ് പ്രസിഡന്റ് സാക്കിര്‍ നായിക്കിന്റെ പ്രസംഗത്തില്‍ പ്രചോദിതരായി പലരും ഐ.എസ് പോലുള്ള ഭീകര സംഘടനകളില്‍ ചേര്‍ന്നതായും എ.എസ്.ജി വ്യക്തമാക്കി.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."