കഠിനംകുളം: ഒരു പകല്‍ മുഴുവനും പള്ളിപ്പുറം ഏലായില്‍ തീപടര്‍ന്ന് പിടിച്ചത് നാട്ടുകാരെ ഭീതിയിലാഴ്ത്തി. വ്യാഴാഴ്ച രാത്രി മുതലാണ് പള്ളിപ്പുറം പവര്‍ഗ്രിഡ് കോര്‍പ്പറേഷന് സമീപത്തെ വയലില്‍ നിന്ന് തീ പടരാന്‍ തുടങ്ങിയത്. കഴക്കൂട്ടം, ആറ്റിങ്ങല്‍ ഫയര്‍യൂണിറ്റില്‍ നിന്ന് നിരവധി വാഹനങ്ങള്‍ എത്തി തീകെടുത്താന്‍ ശ്രമിച്ചുവെങ്കിലും വൈകിട്ടുവരെയും സാധിച്ചില്ല. കരിഞ്ഞ് പുല്ലുമേടിലാണ് തീ പടര്‍ന്നുപിടിച്ചതെങ്കിലും അങ്ങിങ്ങായി കൃഷിചെയ്തിരുന്ന നെല്ലിലേക്ക് വശങ്ങളിലുള്ള വാഴതോട്ടത്തിലും നാശനഷ്ടമുണ്ടായി. മാത്രമല്ല പ്രദേശാകെ പുകചുരുളുകള്‍ ഉയര്‍ന്നത് സമീപവാസികളെ ബാധിച്ചു. ഇവിടെ ഇതുപോലെ മൂന്നാം തവണയാണ് ഇങ്ങനെ തീപടരുന്നത്. ആരോ കത്തിച്ചതാകാമെന്ന് കരുതുന്നു.