മട്ടാഞ്ചേരി: അഞ്ച് വയസുകാരനെ കാണിനില്ലെന്ന പരാതി ഒരു പ്രദേശത്തെ മണിക്കൂറുകള്‍ വട്ടം കറക്കി. മുണ്ടംവേലിയില്‍ നിന്നാണ് അഞ്ച് വയസുകാരനെ കാണാനില്ലന്ന് പരാതി വന്നത്.
രാവിലെ ഒമ്പതര മണിയോടെ കുട്ടിയുടെ മുത്തശ്ശിയാണ് ഡിവഷന്‍ കൗണ്‍സിലറുടെ അടുത്ത് കുട്ടിയെ കാണാനില്ലന്ന് പരാതിയുമായി എത്തിയത്.
ബാങ്ക് ജീവനക്കാരിയായ അമ്മ രാവിലെ ജോലിക്ക് പോയിരുന്നു. കുട്ടിയുടെ ഷൂ, സോക്‌സ് എന്നിവ പുറത്ത് കിടക്കുകയും കുട്ടിയെ കാണാതാകുകയും ചെയ്തതോടെയാണ് മുത്തശ്ശി പരാതിയുമായി എത്തിയത്.
കുട്ടിയുടെ അമ്മയാകട്ടെ ഫോണ്‍ വീട്ടില്‍ വെച്ച് പോകുകയും ചെയ്തിരുന്നു.
കുട്ടിയെ കാണാനില്ലന്ന് അറിഞ്ഞതോടെ കൗണ്‍സിലര്‍ പൊലിസില്‍ വിവരമറിക്കുകയും നാട്ടുകാര്‍ അന്വേഷണത്തിനായി വിവിധ കേന്ദ്രങ്ങളിലേക്ക് പോകുകയും ചെയ്തു. സമീപത്തെ കിണറ്റിലും കുളത്തിലുമെല്ലാം ആളുകള്‍ കുട്ടിയെ തിരഞ്ഞ് നടന്നു.
സമൂഹ മാധ്യമങ്ങളില്‍ കുട്ടിയുടെ പടം സഹിതം വാര്‍ത്തയും നല്‍കി.
ഇതിനിടെയാണ് കുട്ടിയുടെ അമ്മ തന്റെ ഫോണിലേക്ക് വിളിച്ചത്.
അപ്പോഴാണ് കുട്ടിയെ അച്ഛന്റെ വീട്ടില്‍ ആക്കിയതായി അറിയുന്നത്.
ഇതോടെയാണ് മണിക്കൂര്‍ നീണ്ട പിരി മുറുക്കത്തിന് വിരാമമായത്.