മൂവാറ്റുപുഴ: സമസ്ത കേരള ജംഇയ്യത്തുല്‍ ഉലമയുടെ കീഴ്ഘടകമായ സുന്നി മഹല്ല് ഫെഡറേഷന്റെ ആഭിമുഖ്യത്തില്‍ നടത്തുന്ന പ്രീ മാരിറ്റല്‍ കോഴ്‌സിന്റെ ജില്ലാതല ഉദ്ഘാടനം പേഴയ്ക്കാപ്പിള്ളിയില്‍ ഇന്ന് നടക്കും.
വൈകിട്ട് മൂന്നിന് പേഴയ്ക്കാപ്പിള്ളി താജുല്‍ മആരിഫ് മദ്‌റസയില്‍ വച്ച് സുന്നി മഹല്ല് ഫെഡറേഷന്‍ സ്റ്റേറ്റ് ഓര്‍ഗനൈസര്‍ അബൂബക്കര്‍ മൗലവി ആലിപ്പറമ്പ് ഉദ്ഘാടനം നിര്‍വഹിക്കും.
സമസ്ത മുശാവറ അംഗം ഇ.എസ് ഹസ്സന്‍ ഫൈസി മുഖ്യാഥിതിയായിരിക്കും.
ചടങ്ങില്‍ കെ.കെ ഇബ്രാഹിം ഹാജി, അഷറഫ് അഷ്‌റഫി പാന്താവൂര്‍, അസീസ് പാണ്ട്യാരപ്പിള്ളി, സിയാദ് ചെമ്പറക്കി, സുബൈര്‍ ബാഖവി, പി.സി ഉമര്‍ ഫൈസി വയനാട്, അലി പായിപ്ര തുടങ്ങിയവര്‍ സംബന്ധിക്കും.