തൃത്താല: ആനക്കര സി. കോയക്കുട്ടി മുസ്‌ലിയാരുടെ വേര്‍പാടിന് ഒരു വര്‍ഷം തികയുന്ന വേളയില്‍ ഏപ്രില്‍ 21, 22, 23 തിയ്യതികളില്‍ ആനക്കര മഖാമില്‍ വിപുലമായ ആനക്കര മഖാംഉറൂസ് സംഘടിപ്പിക്കുന്നു. ഉറൂസിന്റെ നടത്തിപ്പിന് സംഘാടക സമിതി രൂപീകരിക്കുന്നതിനായി 24 ന് ചൊവ്വാഴ്ച കാലത്ത് 9.30 ന് ആനക്കര മഖാമില്‍ കണ്‍വന്‍ഷന്‍ ചേരും. പൊന്നാനി, തൃത്താല, തവനൂര്‍ മണ്ഡലങ്ങളിലെ സമസ്തയുടെയും കീഴ്ഘടകങ്ങളുടെയും യൂനിറ്റ്, ക്ലസ്റ്റര്‍, പഞ്ചായത്ത്, റെയ്ഞ്ച്, മേഖലാ, മണ്ഡലം പ്രവര്‍ത്തക സമിതി മെമ്പര്‍മാരും മഹല്ല് പ്രതിനിധികളും പങ്കെടുക്കണമെന്ന് എം.വി. ഇസ്മാഈല്‍ മുസ്‌ലിയാര്‍ അറിയിച്ചു. കൂടിയാലോചന യോഗത്തില്‍ ഇസ്മാഈല്‍ മുസ്‌ലിയാര്‍ അധ്യക്ഷനായി. സയ്യിദ് ശിഹാബ് തങ്ങള്‍ വല്ലപ്പുഴ ഉദ്ഘാടനം ചെയ്തു. പി.വി മുഹമ്മദ് മൗലവി, ബശീര്‍ ഫൈസി, നൂര്‍ ഫൈസി, അബ്ബാസ് മളാഹിരി, സഅദുദ്ധിന്‍ ഫൈസി, സലാം ഹാജി, എ.വി ചേക്കു ഹാജി, സയ്യിദ് അബ്ദുല്ലക്കോയ തങ്ങള്‍, സയ്യിദ് ഉമര്‍ ഫാറൂഖ് തങ്ങള്‍, ഇബ്രാഹിംകുട്ടി മാസ്റ്റര്‍, മുഹമ്മദ് കുട്ടി മാസ്റ്റര്‍, റാഫി, റസാഖ്, പ്രസംഗിച്ചു. അബ്ദുല്‍ ഖാദര്‍ ഫൈസി തലക്കശ്ശേരി സ്വാഗതവും കാസിം ഫൈസി പൊത്തനൂര്‍ നന്ദിയും പറഞ്ഞു.