മണ്ണാര്‍ക്കാട്: അട്ടപ്പാടി ഷോളയൂര്‍ വില്ലേജ് പരിധിയിലെ ഉള്ളളം ഊരിന് അഞ്ചു കിലോമീറ്റര്‍ അകലെ ജനവാസമില്ലാത്ത മലമുകളില്‍ മൂന്നു മാസം പ്രായമായതും, വടംകെട്ടി വളംചെയ്ത് വെള്ളം നച്ചുണ്ടാക്കുന്ന കഞ്ചാവു കൃഷി കണ്ടെത്തി നശിപ്പിച്ചു. കോട്ടത്തറ ജനമൈത്രി എക്‌സൈസ് സ്‌ക്വാഡ് സര്‍ക്കിള്‍ ഇന്‍സ്‌പെക്ടര്‍ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് വനപാലകരുമായി ചേര്‍ന്ന് നടത്തിയ റെയ്ഡിലാണ് കഞ്ചാവ് കൃഷി നശിപ്പിച്ചത്.
എക്‌സൈസ് സര്‍ക്കിള്‍ ഇന്‍സെപെക്ടര്‍ ടോമി.ടി.ജി, പ്രിവെന്റീവ് ഓഫിസര്‍ ജഗദീഷന്‍.കെ, സിവില്‍ എക്‌സൈസ് ഓഫിസര്‍മാരായ സതീഷന്‍, ജോണ്‍സ്.പി.സി, ജമാലുദ്ദീന്‍ എം.എച്ച്, വനപാലകരായ രാമദാസ്, ഗോപലകൃഷ്ണന്‍ റെയ്ഡിന് നേതൃത്വം നല്‍കി.