തൊടുപുഴ: മുതലക്കോടത്തിന് സമീപം മാവിന്‍ചുട് ഭാഗത്തെ വയലുകളില്‍ മാലിന്യം നിക്ഷേപിക്കുന്നതായി പരാതി.
ഇവിടെ പ്രവര്‍ത്തിക്കുന്ന കള്ള് ഷാപ്പിന് പിറകുവശത്തുള്ള വയലുകള്‍ നികത്തുന്നതിന് മുന്നോടിയായാണ് മാലിന്യങ്ങള്‍ നിക്ഷേപിക്കുന്നത്. ഇവിടെനിന്നുയരുന്ന ദുര്‍ഗന്ധം അസഹ്യമാകുന്നതായി പരിസരവാസികള്‍ പരാതിപ്പെടുന്നു.
തൊട്ടടുത്ത് താമസിക്കുന്നവര്‍ക്ക് വീട്ടിനുള്ളില്‍ ഭക്ഷം കഴിക്കുന്നതിനുപോലും കഴിയാത്ത അവസ്ഥയാണ്. മഴക്കാലമായതോടെ ദുര്‍ഗന്ധം വര്‍ധിക്കുന്നതായും പരാതിയുണ്ട്.
മാലിന്യം നിക്ഷേപിക്കുന്നതിനു പിന്നില്‍ ചില പ്രമാണിമാരുള്ളതിനാല്‍ മുനിസിപ്പല്‍ അധികൃതര്‍ ആവശ്യമായ നടപടികള്‍ സ്വീകരിക്കുന്നില്ലെന്നും ആക്ഷേപമുണ്ട്.