കണ്ണൂര്‍: 57ാമത് കേരള സ്‌കൂള്‍ കലോത്‌സവത്തില്‍ ശ്രദ്ധേയ സാന്നിധ്യമായി വിവിധ ജില്ലകളുടെ പ്രവൃത്തിപരിചയ പ്രദര്‍ശനം.

ഡി.പി.ഐയുടെ പ്രത്യേക ഉത്തരവിനെ തുടര്‍ന്നാണ് ഇത്തവണത്തെ കതോത്സവത്തിന് ജില്ലാ അടിസ്ഥാനത്തിലുള്ള പ്രവൃത്തിപരിചയ പ്രദര്‍ശനം നടക്കുന്നത്.

ശാസ്ത്രമേളകള്‍ക്കായി വിദ്യാര്‍ഥികള്‍ ഒരുക്കിയ ഉല്‍പ്പന്നങ്ങളാണ് 14 ജില്ലകളിലേയും സ്റ്റാളുകളില്‍ ഒരുക്കിയിട്ടുള്ളത്. വിവിധ കലാരൂപങ്ങള്‍, വസ്ത്രങ്ങള്‍, ചിരട്ട കൊണ്ടുള്ള കരകൗശല വസ്തുക്കള്‍, അച്ചാര്‍, തേന്‍ നെല്ലിക്ക അടക്കമുള്ള ഭക്ഷ്യ ഉല്‍പ്പന്നങ്ങള്‍, കൈത്തറി യന്ത്രം, ആഭരണങ്ങള്‍, സോപ്പ്, സോപ്പുപൊടി അടക്കമുള്ള വിവിധ ഉല്‍പ്പന്നങ്ങളാണ് മേളയുടെ ഒന്നാംവേദിയായ നിളക്ക് സമീപം സജ്ജീകരിച്ച സ്റ്റാളുകളില്‍ ഒരുക്കിയിട്ടുള്ളത്്. ചില ഉല്‍പ്പന്നങ്ങളുടെ വില്‍പനയും പ്രദര്‍ശനത്തോടൊപ്പം നടക്കുന്നുണ്ട്.