കണ്ണൂര്‍: കേരളീയ മുസ്‌ലിംകള്‍ക്കു ദിശാബോധം നല്‍കുന്നതില്‍ മഹത്തായ പങ്ക് വഹിച്ച പ്രസ്ഥാനമാണു സമസ്തയെന്നും സമസ്തയെ ഇന്ന് കാണുന്ന രീതിയില്‍ ലോകനിലവാരത്തിലുള്ള പണ്ഡിത പ്രബോധ സഭയായി ഉയര്‍ത്തി കെണ്ടുവന്നതില്‍ ശംസുല്‍ ഉലമ ഇ.കെ അബൂബക്കര്‍ മുസ്‌ലിയാര്‍ നല്‍കിയ സേവനം മഹത്തരമാണെന്നും സമസ്ത വൈസ് പ്രസിഡന്റ് പി.കെ.പി അബ്ദുസലാം മുസ്‌ലിയാര്‍.
ജില്ലാ ദാരിമീസ് അസോസിയേഷന്‍ സംഘടിപ്പിച്ച ശംസുല്‍ ഉലമ അനുസ്മരണ സമ്മേളനവും മൗലീദ് സദസും ഉദ്ഘാടനം ചെയ്യുകയായിരുന്നു അദ്ദേഹം. വിശ്വാസികള്‍ക്കും പണ്ഡിതര്‍ക്കും മാതൃകയാക്കാന്‍ സാധിക്കുന്ന ബഹുമുഖ പ്രതിഭയുള്ള പണ്ഡിതനായിരുന്നു ശംസുല്‍ ഉലമയെന്നും പി.കെ.പി പറഞ്ഞു.
കെ.കെ മുഹമ്മദ് ദാരിമി അരിയില്‍ അധ്യക്ഷനായി.
എം.വി അബ്ദുറഹ്മാന്‍ മുസ്‌ലിയാര്‍ അനുസ്മരണ പ്രഭാഷണം നടത്തി. സയ്യിദ് അസ്‌ലം തങ്ങള്‍ അല്‍മശ്ഹൂര്‍ പ്രാര്‍ഥനയ്ക്കു നേതൃത്വം നല്‍കി.
മാണിയൂര്‍ അഹ്മദ് മുസ്‌ലിയാര്‍ പ്രാര്‍ഥനയ്ക്കും മൗലീദ് സദസിനും നേതൃത്വം നല്‍കി. പി.പി ഉമര്‍ മുസ്‌ലിയാര്‍ മുഖ്യപ്രഭാഷണം നടത്തി.
മാണിയൂര്‍ അബ്ദുറഹ്മാന്‍ ഫൈസി, ശരീഫ് ബാഖവി, കെ.പി.പി തങ്ങള്‍ അല്‍ബുഖാരി, എസ്.കെ ഹംസ ഹാജി, പാലത്തായി മൊയ്തുഹാജി, അഹ്മദ് തേര്‍ളായി, പി.ടി മുഹമ്മദ്, മുഹമ്മദ്ബ് നു ആദം, ബഷീര്‍ അസ്അദി, ഇബ്രാഹിം ബാഖവി, ടി.വി അഹ്മദ് ദാരിമി, അബ്ദുസലാം ദാരിമി കിണവക്കല്‍, കെ.സി മൊയ്തു മൗലവി, ആര്‍ അബ്ദുല്ല ഹാജി, സിദ്ദീഖ് ദാരിമി ബക്കളം, ഫൈസല്‍ ദാരിമി ഇരിട്ടി, എ.ടി.കെ ദാരിമി തിരുവട്ടൂര്‍, ശാഫി ദാരിമി, ഷിഹാബുദീന്‍ ദാരിമി, നൂറുദീന്‍ ദാരിമി, മുഹമ്മദലി ഹൈത്തമി, റഫീഖ് ദാരിമി, സക്കരിയ ദാരിമി, സിറാജുദീന്‍ ദാരിമി കക്കാട്, അയൂബ് ദാരിമി പൂമംഗലം സംസാരിച്ചു.