ബദിടുക്ക: സമസ്ത കേരള ജംഇയ്യത്തുല്‍ ഉലമ ആദര്‍ശ രംഗത്തെ പകരമില്ലാത്ത പ്രസ്ഥാനമാണെന്നു പി.ബി അബ്ദുല്‍ റസാഖ് എം.എല്‍.എ. എസ്.വൈ.എസ്, എസ്.കെ.എസ്.എസ്.എഫ് സംയുക്താഭിമുഖ്യത്തില്‍ രണ്ടു ദിവസമായി ബെളിഞ്ചയില്‍ നടന്ന ശംസുല്‍ ഉലമ അനുസ്മരണ സമ്മേളനവും മതപ്രഭാഷണവും ഉദ്ഘാടനം ചെയ്യുകയായിരുന്നു അദ്ദേഹം. പരിപാടിക്കു തുടക്കം കുറിച്ചു ബെളിഞ്ചം സ്‌കൂള്‍ മാനേജര്‍ പൊസോളിഗ അബ്ദുല്ല ഹാജി പതാക ഉയര്‍ത്തി.
തുടര്‍ന്നു നടന്ന അനുസ്മരണ സമ്മേളനത്തില്‍ ജുനൈദ് അംജദി ബാറഡുക്ക അധ്യക്ഷനായി. എസ്.വൈ.എസ് മണ്ഡലം സെക്രട്ടറി റഷീദ് ബെളിഞ്ചം ആമുഖ ഭാഷണം നടത്തി. ഇബ്രാഹിം ഖലീല്‍ ഹുദവി കല്ലായം, കരീം ഫൈസി കുന്‍ത്തൂര്‍ മുഖ്യ പ്രഭാഷണം നടത്തി.
ഹസൈനാര്‍ ഫൈസി, ഇസ്മായില്‍ ദാരിമി കൊടക്, മൂസ മൗലവി, വൈ ഹനീഫ്, അഷ്‌റഫ്, ശക്കീര്‍ ബാഖവി, അബ്ദുല്ല അലാബി, പൊയില്‍ മുഹമ്മദ്, അബ്ദുറഹ്മാന്‍ നാരമ്പാടി,ഹമീദ് ബങ്കിളികുന്ന് സംബന്ധിച്ചു.