കാസര്‍കോട്: മദ്യവില്‍പന ചോദ്യം ചെയ്ത വൈരാഗ്യത്തിനു തൃക്കരിപ്പൂര്‍ പൂച്ചോല്‍ ജങ്ഷനിലെ കച്ചവടക്കാരന്‍ കടവന്‍ ബാബു (50)വിനെ കുത്തിക്കൊന്ന കേസില്‍ പ്രതി കുറ്റക്കാരനാണെന്ന് അഡീഷണല്‍ ജില്ലാ സെഷന്‍സ് കോടതി (ഒന്ന്) വിധിച്ചു. പൂച്ചോല്‍ ചൊവ്വേരിയിലെ എം.പി.ടി മുഹമ്മദ് ഫൈസ (37)യാണു പ്രതി. 2010 ഒക്‌ടോബര്‍ 27 നു രാത്രിയിലാണു കൊല നടന്നത്. മദ്യവില്‍പന ചോദ്യം ചെയ്തതിനു ബാബുവിനെ മുഹമ്മദ് ഫൈസല്‍ കുത്തിപ്പരുക്കേല്‍പ്പിക്കുകയായിരുന്നുവെന്നായിരുന്നു കേസ്.
നാട്ടുകാര്‍ ഉടന്‍ ആശുപത്രിയിലെത്തിക്കാന്‍ ശ്രമിച്ചെങ്കിലും വഴിമദ്ധ്യേ മരിച്ചു. സംഘര്‍ഷം തടയാന്‍ ചെന്ന പി.വി രതീശ (34)ന്റെ പരാതിയില്‍ ചന്തേര പൊലിസ് രജിസ്റ്റര്‍ ചെയ്ത കേസിലാണു വിധി. കേസില്‍ 14 സാക്ഷികളെയാണു വിസ്തരിച്ചത്.