ബദിയഡുക്ക: കര്‍ണാടക ഭാഗത്തു നിന്നു ടിപ്പര്‍ ലോറിയില്‍ കടത്തുകയായിരുന്ന മണല്‍ പിടികൂടി. പൊലിസിനെ കണ്ടതോടെ ലോറി ഉപേക്ഷിച്ചു ഡ്രൈവര്‍ രക്ഷപ്പെട്ടു. ഇന്നലെ പുലര്‍ച്ച അഞ്ചോടെയാണു പെര്‍ളക്കു സമീപം മര്‍ത്യയില്‍ വാഹന പരിശോധനക്കിടെയാണു അതിര്‍ത്തി പ്രദേശമായ സാറഡുക്ക ഭാഗത്തു നിന്നു കടന്നുവന്ന ലോറി പിടികൂടിയത്.
ഓടുന്നതിനിടയില്‍ ഡ്രൈവറുടെ കൈയില്‍ നിന്നു താഴെ വീണ മൊബൈല്‍ ഫോണ്‍ പൊലിസിനു ലഭിച്ചിട്ടുണ്ട്.
ടിപ്പര്‍ ലോറി കസ്റ്റഡിയിലെടുത്തു. ഡ്രൈവര്‍ക്കെതിരേ കേസെടുത്ത് അന്വേഷണം ഊര്‍ജിതമാക്കി.