ചെറുവത്തൂര്‍ : ഓണ്‍ലൈനില്‍ മൊബൈല്‍ ഫോണ്‍ ബുക്ക് ചെയ്ത് കാത്തിരുന്ന യുവാവിന് ലഭിച്ചത്. വില കുറഞ്ഞ ചെമ്പ് തകിടുകളും, ലോക്കറ്റുകളും . ചെറുവത്തൂരിലെ സി. വിപിനാണ് ഓണ്‍ലൈന്‍ തട്ടിപ്പിന് ഇരയായത് . പതിനൊന്നായിരം രൂപ വിലയുള്ള പ്രമുഖ കമ്പനിയുടെ മൊബൈല്‍ ഫോണ്‍ 3250 രൂപക്ക് ലഭിക്കും എന്ന് വിപിന് ഫോണിലൂടെ സന്ദേശം ലഭിച്ചിരുന്നു. 

ആകര്‍ഷകമായ ഓഫര്‍ ലഭിച്ചപ്പോള്‍ കൂടുതലൊന്നും ആലോചിക്കാതെ കമ്പനി നല്‍കിയ അഡ്രസില്‍ തപാല്‍ വഴി പണമയക്കുകയും ചെയ്തു. ദിവസങ്ങളുടെ കാത്തിരിപ്പിന് ശേഷം തപാല്‍ വഴി വിപിന് പാര്‍സല്‍ ലഭിക്കുകയും ചെയ്തു. പാര്‍സല്‍ തുറന്ന് നോക്കിയപ്പോള്‍ മൊബൈല്‍ ഫോണിന് പകരം കവറിനുള്ളില്‍ നിന്നും ലഭിച്ചത് സ്വര്‍ണകളര്‍ പൂശിയ ചെമ്പ് തകിടുകളും,
ചില ആരാധനാ മൂര്‍ത്തികളുടെ ചിത്രങ്ങളോട് കൂടിയ ലോക്കറ്റുകളും, ചെറിയ വിഗ്രഹവും. . ഇതോടെ താന്‍ വഞ്ചിക്കപ്പെട്ടതായി വിപിന്‍ തിരിച്ചറിഞ്ഞു. സന്ദേശം വന്ന ഫോണിലേക്ക് തിരികെ വിളിച്ചെങ്കിലും മറുപടിയൊന്നും ലഭിച്ചില്ല. ഡല്‍ഹിയില്‍ നിന്നാണ് തപാല്‍ വഴി പാര്‍സല്‍ വന്നിരിക്കുന്നത്.