ന്യൂഡല്‍ഹി: ജെ.എന്‍.യു വിദ്യാര്‍ഥി നജീബിനെ കാണാതായ സംഭവത്തില്‍ ഒരാളെ പൊലിസ് കസ്റ്റഡിയിലെടുത്തു. ഉത്തര്‍പ്രദേശില്‍നിന്നാണ് ഇന്നലെ രാത്രി ഒരാളെ പൊലിസ് അറസ്റ്റ് ചെയ്തത്. ഇയാള്‍ നജീബിന്റെ മോചനദ്രവ്യമായി 20 ലക്ഷം രൂപ ഫോണിലൂടെ ആവശ്യപ്പെട്ടതിനെത്തുടര്‍ന്നാണ് അറസ്റ്റിലാവുന്നത്.

ഡല്‍ഹി ജവഹര്‍ലാല്‍ നെഹ്‌റു സര്‍വകലാശാലയിലെ എം.എസ്.സി ബയോടെക്‌നോളജി വിദ്യാര്‍ഥിയായ നജീബ് അഹമ്മദിനെ മൂന്നു മാസം മുമ്പാണ് കോളജ് ക്യാമ്പസില്‍ നിന്നും കാണാതായത്. സര്‍വകലാശാല ഹോസ്റ്റലില്‍ എ.ബി.വി.പി പ്രവര്‍ത്തകരുടെ ക്രൂരമര്‍ദനത്തിന് തൊട്ടുപിന്നാലെയായിരുന്നു നജീബിനെ കാണാതായത്. സംഭവത്തില്‍ പ്രതിഷേധിച്ച് രാജ്യത്തെ പ്രമുഖ സര്‍വകലാശാലകളില്‍ വിദ്യാര്‍ഥികളുടെ നേതൃത്വത്തില്‍ ശക്തമായ പ്രക്ഷോഭങ്ങള്‍ നടന്നു വരികയാണ്. ഇതിനിടെയാണ് പുതിയ അറസ്റ്റ് വാര്‍ത്ത പുറത്തുവരുന്നത്.