തൃശൂര്‍: റായ്പൂരില്‍ നടന്ന 40-ാമത് ദേശീയ പഞ്ചഗുസ്തി ചാംപ്യന്‍ഷിപ്പില്‍ ഓവറോള്‍ ചാംപ്യന്മാരായ കേരള ടീമിന് തൃശൂര്‍ റെല്‍വേ സ്റ്റേഷനില്‍ സ്വീകരണം നല്‍കി. 17 സ്വര്‍ണവും 22 വെള്ളിയും 13 വെങ്കലവും അടക്കം 400 പോയ്ന്റ് നേടിയാണ് കേരളം ചാംപ്യന്മാരായത്. പുരുഷ- വനിതാ വിഭാഗത്തിലും കേരളമാണ് ചാംപ്യന്മാര്‍.
110 കിലോ വിഭാഗത്തില്‍ പി.എസ് ഇസ്മയില്‍, 55 കിലോ വിഭാഗത്തില്‍ അജിത് പി.ജോയി, 70 കിലോ വിഭാഗത്തില്‍ എബിന്‍ കുര്യാന്‍, വനിതകളുടെ ജിന്‍സി ജോസ് എന്നിവര്‍ വ്യക്തിഗത ഓവറോള്‍ ചാംപ്യന്മാരായി.
ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് വിന്‍സെന്റ് കാട്ടൂക്കാരന്‍, വേള്‍ റഫറി എം.ഡി. റാഫേല്‍, പഞ്ചഗുസ്തി അസോസിയേഷന്‍ സംസ്ഥാന ജോയ്ന്റ് സെക്രട്ടറി ഷാജുമോന്‍ വട്ടേക്കാട്, എ.ജെ ജെയ്‌മോന്‍, ജോജി പുല്ലൂര്‍, അഡ്വ.വി.ജോഷി ഫ്രാന്‍സിസ് എന്നിവരും പഞ്ചഗുസ്തി താരങ്ങളും ചടങ്ങില്‍ പങ്കെടുത്തു.