കാസര്‍കോട്: ദിവസ വേതന ജീവനക്കാരുടെ ശമ്പളം ഉപശീര്‍ഷകം മാറി എന്നതിന്റെ പേരില്‍ നവംബര്‍ ആദ്യം മുതല്‍ നല്‍കാതിരിക്കുന്ന നടപടി അടിയന്തരമായി പരിഹരിക്കണമെന്നാവശ്യപ്പെട്ട് ആള്‍ കേരള സ്‌കൂള്‍ ടീച്ചേഴ്‌സ് യൂനിയന്‍ (എ.കെ.എസ്.ടി.യു) കാസര്‍കോട് ജില്ലാ കമ്മിറ്റി വിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥിന് നിവേദനം നല്‍കി. എ.കെ എസ്. ടി.യു ജില്ലാ നേതാക്കളായ കെ. വിനോദ് കുമാര്‍, പി. രാജഗോപാലന്‍ ടി.എ അജയകുമാര്‍, സുനില്‍കുമാര്‍ കരിച്ചേരി, എം.പി രാജീവന്‍ എന്നിവര്‍ നിവേദക സംഘത്തിലുണ്ടായിരുന്നു.