അഹമദാബാദ്: വികസനങ്ങളെ കുറിച്ചും വിദ്യാഭ്യാസ രംഗത്തെ നേട്ടങ്ങളെ കുറിച്ചും ഊറ്റം കൊള്ളുന്ന ഗുജറാത്തിലെ സ്‌കൂളികളിലെ വലിയൊരു ശതമാനത്തിനും മാതൃഭാഷ പോലും വായിക്കാനറിയില്ലെന്ന് റിപ്പോര്‍ട്ട്. രാജ്യത്തെ വിദ്യാഭ്യാസത്തിന്റെ ഗുണനിലവാരം പരിശോധിക്കുന്ന പദ്ധതിയായ ഗുണോത്സവ് 2017ന്റെ വാര്‍ഷിക റിപ്പോര്‍ട്ടിലാണ് (എഎസ്ഇആര്‍) ഇക്കാര്യം വ്യക്തമാക്കുന്നത്.
ഗുജറാത്ത്ി അക്ഷരമാല പോലും അറിയാത്തവരാണ് ഭൂരിഭാഗവും. ഗുജറാത്തിയില്‍ മത്രമല്ല് ഇംഗ്ലീഷിലും കുട്ടികള്‍ വളരെ പുറകിലാണ്. 779 ഗ്രാമങ്ങളിലെ 644 സര്‍ക്കാര്‍ സ്‌കൂളുകളില്‍ വിദ്യാഭ്യാസനിലവാര നിര്‍ണയ സമിതി നടത്തിയ സര്‍വേയിലാണു ഞെട്ടിപ്പിക്കുന്ന വിവരങ്ങള്‍. ഗണിതത്തിന്റെ കാര്യമ അതിലും പരിതാപകരമാണെന്നും കണക്കികള്‍ സൂചിപ്പിക്കുന്നു.
ഗുജറാത്തി, ഗണിതം, ഇംഗ്ലീഷ് എന്നീ വിഷയങ്ങളിലെ ശേഷിയെ അടിസ്ഥാനപ്പെടുത്തിയാണ് റിപ്പോര്‍ട്ട് തയാറാക്കിയിരിക്കുന്നത്. അഞ്ചാം തരത്തില്‍ പഠിക്കുന്ന വിദ്യാര്‍ത്ഥികളില്‍ 47 ശതമാനത്തിനും മാതൃഭാഷയായ ഗുജറാത്തി വായിക്കാനറിയില്ല. ആറാം തരത്തില്‍ 45 ശതമാനവും ഏഴാം ക്ലാസില്‍ 31 ശതമാനവും എട്ടില്‍ 23.4 ശതമാനവും മാതൃഭാഷയില്‍ പുറകില്‍ നില്‍ക്കുന്നവരാണ്.
എട്ടാംക്ലാസിലെത്തിയെങ്കിലും ഹരണവും ഗുണനവുമടക്കമുള്ള അടിസ്ഥാന ഗണിതം പോലുമറിയാത്തവരാണ് 65.2 ശതമാനം. അഞ്ചാം ക്ലാസില്‍ 15 ശതമാനമാണ് ഹരണമറിയുന്നവര്‍. രണ്ട് സംഘ്യകള്‍ തമ്മില്‍ കുറക്കാനറിയുന്നവരും വിരലിലെണ്ണാവുന്നവര്‍ മാത്രം.
ഇംഗ്ലീഷില്‍ ലളിതമായ ഒരു വാചകം പോലും പലര്‍ക്കും വായിക്കാനറിയില്ല.
സ്‌കൂളുകളിലെ അടിസ്ഥാന സൗകര്യങ്ങളുടെ സ്ഥിതിയും ദയനീയമാണ്. ആവശ്യത്തിന് ക്ലാസ് മുറികളോ അധ്യാപകരോ പല വിദ്യാലയങ്ങളിലുമില്ല. അധ്യാപകരുടെ നിലവാരമില്ലായ്മയും വിദ്യാഭ്യാസത്തിന്റെ ഗുണനിലവാരത്തെ വല്ലാതെ ബാധിച്ചിട്ടുള്ളതായി പഠനം വ്യക്തമാക്കുന്നു. പഠിക്കാന്‍ ആഗ്രഹിക്കുന്ന വിദ്യാര്‍ത്ഥികളോടു പോലും അധ്യാപകര്‍ക്ക് നിഷേധാത്മക സമീപനമാണുള്ളതെന്നും റിപ്പോര്‍ട്ടില്‍ പറയുന്നു.