ടെല്‍ അവീവ്: പടിഞ്ഞാറന്‍ ജറുസലേമില്‍ വീടുകള്‍ തകര്‍ക്കുന്നതിനെതിരേ ഫലസ്തീനികളുടെ പ്രതിഷേധം. പടിഞ്ഞാറന്‍ ജറുസലേമിലെ നെസ്സറ്റിലാണ് ഫലസ്തീന്‍കാര്‍ പ്രതിഷേധ പ്രകടനംനടത്തിയത്.
മേഖലയില്‍ ജൂതകുടിയേറ്റം നിര്‍ത്തിവെയ്ക്കണമെന്ന് യു.എന്‍ ആവശ്യപ്പെട്ടതിനു ശേഷവും ഇസ്രാഈല്‍ മനുഷ്യത്വരഹിതമായ നടപടി തുടരുകയാണ്. അധിനിവേശ കിഴക്കന്‍ ജറൂസലേമില്‍  566 ജൂതപാര്‍പ്പിടങ്ങള്‍ നിര്‍മിക്കാന്‍ ഇസ്രാഈല്‍ പ്രധാനമന്ത്രി ബെഞ്ചമിന്‍ നെതന്യാഹു കഴിഞ്ഞ ദിവസം അനുമതി നല്‍കിയിരുന്നു.
അമേരിക്കയില്‍ ഇസ്രാഈലിനോട് കൂടുതല്‍ ആഭിമുഖ്യമുള്ള ഡൊണാള്‍ഡ് ട്രംപിന്റെ നേതൃത്വത്തില്‍ പുതിയ സര്‍ക്കാര്‍ അധികാരമേറ്റ ഉടനെയാണ് നടപടിയുമായി ഇസ്രാഈല്‍ രംഗത്തെത്തിയിരിക്കുന്നത്.