മുംബൈ: റിലയന്‍സ് ഫൗണ്ടേഷന്‍ യൂത്ത് സ്‌പോര്‍ട്‌സ് ദേശീയ ഫുട്‌ബോള്‍ ചാംപ്്യന്‍ഷിപ്പിന്റെ സ്‌കൂള്‍ ഗേള്‍സ് വിഭാഗത്തില്‍ കേരളത്തെ പ്രതിനിധീകരിച്ച് പങ്കെടുക്കുന്ന കോഴിക്കോട് പുറമേരി കടത്തനാട് രാജാസ് ഹയര്‍ സെക്കന്‍ഡറി സ്‌കൂള്‍ സെമിഫൈനലില്‍. അവസാന ഗ്രൂപ്പ് മത്സരത്തില്‍ ഗോവയില്‍ നിന്നുള്ള റോസരി ഹയര്‍ സെക്കന്‍ഡറി സ്‌കൂളിനെ ഒന്നിനെതിരേ രണ്ടു ഗോളുകള്‍ക്ക് തോല്‍പ്പിച്ചാണ് കടത്തനാട്ടെ പെണ്‍കുട്ടികള്‍ അവസാന നാലില്‍ ഇടം നേടിയത്. സെമിയിലെത്താന്‍ ജയം അനിവാര്യമായിരുന്ന കടത്തനാട് സ്‌കൂളിനെ കളിയുടെ മൂന്നാം മിനുട്ടില്‍ അഞ്ജു എ.ടി.കെ മുന്നിലെത്തിച്ചു.