തരിയോട്: വിദ്യാര്‍ഥികളുടെ കൊഴിഞ്ഞുപോക്ക് തടയുക, ആദിവാസികളുമായുള്ള ബന്ധം ശക്തമാക്കുക തുടങ്ങിയ ലക്ഷ്യങ്ങളോടെ സെന്റ് മേരീസ് യു.പി സ്‌കൂള്‍ പി.ടി.എയുടെ നേതൃത്വത്തില്‍ ചെക്കണ്ണിക്കുന്ന് കാട്ടുനായ്ക്ക കോളനിയില്‍ കുട്ടിക്കൂട്ടം പരിപാടി സംഘടിപ്പിച്ചു.
സ്‌കൂള്‍ മാനേജര്‍ ഫ. ജെയിംസ് കുന്നത്തേട്ട് ഉദ്ഘാടനം ചെയ്തു. വാര്‍ഡ് അംഗം ഇബ്‌റാഹീം അധ്യക്ഷനായി. ഹെഡ്മാസ്റ്റര്‍ എം.വി രാജന്‍, പി.ടി.എ പ്രസിഡന്റ് ഷിബു പോള്‍, അബ്രഹാം കെ മാത്യു, അജീഷ് പി സേവ്യര്‍ സംസാരിച്ചു.