വാടാനപ്പള്ളി: സ്‌കൂള്‍ വിദ്യാര്‍ഥികള്‍ക്കും മറ്റും കഞ്ചാവ് വിതരണം ചെയ്യുന്ന അന്തര്‍ ജില്ല കഞ്ചാവ് വില്‍പന സംഘത്തിലെ രണ്ട് പേരെ വലപ്പാട് പൊലിസ് പിടികൂടി. ദേശമംഗലം തിച്ചൂര്‍ സ്വദേശികളായ കോരുമാരുമുക്കില്‍ വീട്ടില്‍ പ്രവീണ്‍(29), പാണന്‍ വീട്ടില്‍ മോഹന്‍ദാസ്(42) എന്നിവരെയാണ് വലപ്പാട് സി.ഐ സന്തോഷിന്റെ നിര്‍ദേശപ്രകാരം വലപ്പാട് എസ്.ഐ മഹേഷ് കണ്ടബത്ത് എന്‍.ഡി.പി.എസ് സ്‌ക്കോഡ് അംഗങ്ങളായ ഷൈന്‍ ടി.ആര്‍, അനന്തകൃഷ്ണന്‍ എന്നിവരുടെ നേതൃത്വത്തിലുള്ള പൊലിസ് സംഘം പിടികൂടിയത്. ഏറെ നാളത്ത അന്വേഷണത്തിനൊടുവിലാണ് പ്രതികളെ പിടികൂടിയതെന്ന് പൊലിസ്് പറഞ്ഞു. പ്രവീണിന്റെ പേരില്‍ എരുമപ്പെട്ടി പൊലിസ്് സ്റ്റേഷനില്‍ വധശ്രമ കേസ് നിലവിലുണ്ടന്നും പൊലിസ് പറഞ്ഞു. പ്രതികളുടെ നേതൃത്വത്തില്‍ തീരദേശത്തും സ്‌കൂള്‍ പരിസരങ്ങളിലും ലഹരി വസ്തുക്കള്‍ വില്‍പന നടത്തുന്നുണ്ടന്ന് പൊലിസിന് നേരത്തെ രഹസ്യ സന്ദേശം ലഭിച്ചിരുന്നു. ജി.എ.എസ്.ഇ സുനില്‍, ജി.എ.എസ്.ഇ അനില്‍, സി.പി.ഒ മിഥുന്‍ലാല്‍ എന്നിവരും പ്രതികളെ പിടികൂടിയ സംഘത്തിലുണ്ടായിരുന്നു.