കയ്പമംഗലം: അച്ഛനെയും മകളെയും അയല്‍വാസി മര്‍ദിച്ചതായി പരാതി.കയ്പമംഗലം ബീച്ച് വഞ്ചിപ്പുര അന്തിക്കാട്ട് വീട്ടില്‍ അടിമ (60), മകള്‍ സിമി (30) എന്നിവര്‍ക്കാണ് മര്‍ദനമേറ്റത്. ഇവരെ പെരിഞ്ഞനം കുറ്റിലക്കടവ് ആശുപത്രിയില്‍ പ്രവേശിപ്പിച്ചു. ഞായറാഴ്ച രാവിലെ 10 മണിയോടെയാണ് സംഭവം. വീടിന് മുന്നില്‍ നില്‍ക്കുകയായിരുന്ന സിമിയെയും അടിമയെയും അകാരണമായി അയല്‍വാസിയായ ലാല്‍ മര്‍ദിക്കുകയായിരുന്നുവെന്ന് പറയുന്നു. ഇവര്‍ തമ്മില്‍ അതിര്‍ത്തി തര്‍ക്കം നിലനില്‍ക്കുന്നുണ്ട്. ഇതുമായി ബന്ധപ്പെട്ട കേസും കോടതിയിലുണ്ട്. വീടുകാര്‍ മതിലകം പൊലിസില്‍ പരാതി നല്‍കി.