തൃശൂര്‍: ജനുവരി 26 ന് ചേര്‍പ്പില്‍ നടക്കുന്ന മനുഷ്യജാലികയുടെ പ്രചരണാര്‍ഥം എസ്.കെ.എസ്.എസ്.എഫ് ജില്ലാ കമ്മിറ്റി തൃശൂര്‍ മുതല്‍ ചേര്‍പ്പ് വരെ സംഘടിപ്പിച്ച പൈതൃക സ്മൃതി പദയാത്രയില്‍ നൂറ് കണക്കിന് രാജ്യസ്‌നേഹികള്‍ അണിനിരന്നു.
1927 ലെ മഹാത്മാഗാന്ധിയുടെ ചേര്‍പ്പ് സന്ദര്‍ശനത്തിന്റെ തൊണ്ണൂറാണ്ടിന്റെ ഓര്‍മ പുതുക്കുന്നതിനായിരുന്നു പദയാത്ര. തൃശൂര്‍ കോര്‍പ്പറേഷന്‍ ഓഫിസിനു മുന്നില്‍ എസ്.കെ.എസ്.എസ്.എഫ് സംസ്ഥാന ട്രഷറര്‍ ബഷീര്‍ ഫൈസി ദേശമംഗലം യാത്ര ഫ്‌ളാഗ് ഓഫ് ചെയ്തു.
എസ്.കെ.എസ്.എസ്.എഫ് യു.എ.ഇ നാഷണല്‍ കമ്മിറ്റി സെക്രട്ടറി ഹുസൈന്‍ ദാരിമി അകലാട് അധ്യക്ഷനായി. മഹ്‌റൂഫ് വാഫി ആമുഖ പ്രഭാഷണം നടത്തി.
എസ്.കെ.എസ്.എസ്.എഫ് ജില്ലാ സെക്രട്ടറി ഷെഹീര്‍ ദേശമംഗലം, സി എ ശംസുദ്ദീന്‍, അസീസ് ഹാജി പാലുവായ്, സലാം പാലുവായ്, നൂറുദ്ദീന്‍ യമാനി, ശാഹിദ് കോയ തങ്ങള്‍, സത്താര്‍ ദാരിമി, സിദ്ദീഖ് ഫൈസി മങ്കര, ഷാഹു കെ പഴുന്നാന തുടങ്ങിയവര്‍ സന്നിഹിരായി. തൃശൂര്‍ ഇരിങ്ങാലക്കുട റൂട്ടിലൂടെ കാല്‍നടയായി സഞ്ചരിച്ച് വൈകിട്ടോടെ യാത്ര ചേര്‍പ്പ് പടിഞ്ഞാട്ടു മുറിയില്‍ സമാപിച്ചു. സമാപന സംഗമം
സമസ്ത കേന്ദ്ര മുശാവറ അംഗം ചെറുവാളൂര്‍ ഹൈദ്രൂസ് മുസ്‌ലിയാര്‍ ഉദ്ഘാടനം ചെയ്തു. എസ്.കെ.എസ്.എസ്.എഫ് ജില്ലാ പ്രസിഡന്റ് സിദ്ദീഖ് ബദ്‌രി അധ്യക്ഷനായി. ഖത്തര്‍ ഇസ്‌ലാമിക് സെന്റര്‍ ജനറല്‍ സെക്രട്ടറി അബൂബക്കര്‍ ഖാസിമി എടക്കഴിയൂര്‍ മുഖ്യാതിഥിയായി. ശമീര്‍ ദാരിമി കൊല്ലം പ്രമേയ പ്രഭാഷണം നടത്തി. ശിയാസ് അലി വാഫി, മുസ്ഥഫ വാഫി കട്ടുപ്പാറ, ഹാഫിള് അബ്ദുറഹ്മാന്‍ അന്‍വരി, സൈഫുദ്ദീന്‍ പാലപ്പിളളി, സിറാജ് തെന്നല്‍, നാസര്‍ ഫൈസി കരൂപ്പടന്ന, പി.എച്ച് ഉമര്‍ സാഹിബ്, ഗഫൂര്‍ അണ്ടത്തോട്, ഷാഹുല്‍ ഹമീദ് റഹ്മാനി, നവാസ് റഹ്മാനി, ഖൈസ് വെന്മേനാട്, സലീം അന്‍വരി, തുടങ്ങിയവര്‍ പങ്കെടുത്തു. എസ്.കെ.എസ്.എസ്.എഫ് ജില്ലാ വര്‍ക്കിംഗ് സെക്രട്ടറി അഡ്വ. ഹാഫിള് അബൂബക്കര്‍ മാലികി സ്വാഗതവും സ്വാഗത സംഘം കോഡിനേറ്റര്‍ ഷുകൂര്‍ ദാരിമി നന്ദിയും പറഞ്ഞു.