തൃശൂര്‍: മഞ്ചേരി ദാറുസ്സുന്ന ഇസ്ലാമിക് കേന്ദ്രത്തിന്റെ രണ്ടാം ദശവാര്‍ഷികാഘോഷത്തിന്റെ ഭാഗമായി തൃശൂര്‍ ജില്ലാ എസ്.വൈ.എഫ് ഏക സിവില്‍ കോഡും മുസ്ലിംകളും എന്ന വിഷയത്തില്‍ നടത്തുന്ന സെമിനാര്‍ ഇന്ന് ചെട്ടിയങ്ങാടി അലങ്കാര്‍ ഓഡിറ്റോറിയത്തില്‍ നടക്കും. മുന്‍ ആരോഗ്യ വകുപ്പ് മന്ത്രി വി.സി കബീര്‍ മാസ്റ്റര്‍ ഉദ്ഘാടനം ചെയ്യും. സയ്യിദ് ഹാശിം ബാഫഖി തങ്ങള്‍ കൊയിലാണ്ടി അധ്യക്ഷനാകും. നജീബ് മൗലവി മമ്പാട്, സി. ഹംസ മേലാറ്റൂര്‍, അഡ്വ. ഫാറൂഖ്. ഇ. മുഹമ്മദ്, മുസ്ലിം യൂത്ത് ലീഗ് സംസ്ഥാന വൈസ് പ്രസിഡന്റ് പി.എ അബ്ദുള്‍ കരീം ചെറുതുരുത്തി എന്നിവര്‍ സംസാരിക്കും.