കൊടുങ്ങല്ലൂര്‍: ജില്ലയില്‍ കോണ്‍ഗ്രസ് പാര്‍ട്ടി യോഗങ്ങളില്‍ സ്വാഗതപ്രാസംഗികര്‍ മുതല്‍ നന്ദി പറയുന്നവരെ വരെ പേരെടുത്തു പറഞ്ഞ് അഭിസംബോധന ചെയ്യുന്ന പരമ്പരാഗത രീതിക്ക് വിലക്ക്. കൊടുങ്ങല്ലൂരില്‍ കോണ്‍ഗ്രസ് നേതൃയോഗം ഉദ്ഘാടനം ചെയ്യവെ ഡി.സി.സി പ്രസിഡന്റ് ടി.എന്‍ പ്രതാപനാണ് പുതിയ നിര്‍ദേശം മുന്നോട്ടുവച്ചത്. ഭാരവാഹികളുടെ പ്രവര്‍ത്തനം നിരീക്ഷിക്കാന്‍ പാര്‍ട്ടിയില്‍ വിജിലന്‍സ് സംവിധാനം ഏര്‍പ്പെടുത്തുമെന്നും ഡി.സി.സി പ്രസിഡന്റ് പറഞ്ഞു. കോണ്‍ഗ്രസ് ബ്ലോക്ക് പ്രസിഡന്റ് ഇ.ഐ നജീബ് അധ്യക്ഷനായി. ടി.യു രാധാകൃഷ്ണന്‍, എ.ആര്‍ രാധാകൃഷ്ണന്‍, ടി.എം നാസര്‍, സി.എസ് രവീന്ദ്രന്‍, പ്രൊഥ. കെ.കെ രവി, അഡ്വ. വി.എം മുഹിയുദ്ദീന്‍, വേണു വെണ്ണറ സംസാരിച്ചു.