കോഴിക്കോട്: യമാനീസ് അസോസിയേഷന്‍ സെന്‍ട്രല്‍ കമ്മിറ്റിയുടെ ആഭിമുഖ്യത്തില്‍ സമസ്ത കേരള ജംഇയ്യത്തുല്‍ ഉലമയുടെ പ്രസിഡന്റും കുറ്റിക്കാട്ടൂര്‍ ജാമിഅ യമാനിയ്യ പ്രിന്‍സിപ്പലുമായ മുഹമ്മദ് ജിഫ്‌രി മുത്തുക്കോയ തങ്ങള്‍ക്കുള്ള സ്വീകരണവും പണ്ഡിതസംഗമവും ഫെബ്രുവരി എട്ടിന് ഉച്ചയ്ക്ക് രണ്ടിന് കോഴിക്കോട് സുപ്രഭാതം ഓഡിറ്റോറിയത്തില്‍ നടക്കും.
പണ്ഡിത സംഗമത്തില്‍ സയ്യിദ് കുഞ്ഞിസീതിക്കോയ തങ്ങള്‍ അല്‍ യമാനി അധ്യക്ഷനാകും. എം.ടി അബ്ദുല്ല മുസ്‌ലിയാര്‍ ഉദ്ഘാടനം ചെയ്യും. ചടങ്ങില്‍ റഹ്മത്തുല്ല ഖാസിമി മൂത്തേടം, ഒളവണ്ണ അബൂബക്കര്‍ ദാരിമി, ഹംസ ഫൈസി അല്‍ ഹൈതമി, സലീം ദാരിമി ചെര്‍ള സംബന്ധിക്കും.
നാലിന് നടക്കുന്ന സ്വീകരണ സമ്മേളനത്തില്‍ ആര്‍.വി കുട്ടി ഹസന്‍ ദാരിമി അധ്യക്ഷനാകും. സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും.
അബ്ദുസ്സമദ് പൂക്കോട്ടൂര്‍, സയ്യിദ് ഹംസ ബാഫഖി തങ്ങള്‍, ഉമര്‍ ഫൈസി മുക്കം, നാസര്‍ ഫൈസി കൂടത്തായി, സത്താര്‍ പന്തലൂര്‍, മിര്‍ശാദ് യമാനി ചാലിയം, എം.സി മായിന്‍ ഹാജി, കെ.പി കോയ സംബന്ധിക്കും.