കളമശ്ശേരി: ഇടപ്പള്ളി പുക്കാട്ടുപടി റോഡില്‍ ഉണിച്ചിറ പള്ളിക്ക് സമീപം നിയന്ത്രണം വിട്ട കാര്‍ അപകടമുണ്ടാക്കി. ഞായറാഴ്ച രാത്രി 11.30 നാണ് അപകടമുണ്ടായത്. ഇടപ്പള്ളി ഭാഗത്തേക്ക് പോയ കാര്‍ രാജീവ് നഗര്‍ റോഡില്‍ നിന്ന് മെയിന്‍ റോഡിലേക്കിറങ്ങിയ മറ്റൊരു കാറിന്റെ പിന്നിലിടിച്ച് നിയന്ത്രണം വിട്ട് പച്ചക്കറി കടയിലേക്ക് പാഞ്ഞ് കയറി. രാജീവ് നഗര്‍ റോഡില്‍ നിന്ന് വന്ന കാറിലെ യാത്രക്കാര്‍ക്കാണ് പരുക്കേറ്റത്. പരുക്കേറ്റ ഇവരെ മെഡിക്കല്‍ സെന്റര്‍ ആശുപത്രിയില്‍ പ്രവേശിപ്പിച്ചു.
ഉണിച്ചിറയിലെ പ്രകാശന്റെ കടയിലേക്കാണ് വാഹനം പാഞ്ഞ് കയറിയത്. കടയുടെ മുന്നിലെ ഷെഡ് ഭാഗികമായി തകര്‍ന്നിട്ടുണ്ട്. അപകടത്തില്‍ ഒരു ഇലക്ട്രിക് പോസ്റ്റും ഒടിഞ്ഞിട്ടുണ്ട്. കട അടച്ചിരുന്നതിനാല്‍ വന്‍ അപകടം ഒഴിവായി.