കൊച്ചി: സലഫി ലേണിങ് ആന്‍ഡ് റിസര്‍ച്ച് സെന്ററിന്റെ 27ാമത് സംസ്ഥാന സംഗമം ഞായറാഴ്ച രാവിലെ 9ന് എറണാകുളം ടൗണ്‍ഹാളില്‍ നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ പറഞ്ഞു.
ഡോ.ജമാല്‍ ഒമര്‍ അമേരിക്ക മുഖ്യാതിഥിയായിരിക്കും. ഖുര്‍ആന്‍ ഹിഫല്‍ മത്സരം, ഖുര്‍ആന്‍ പദ മത്സരം, ചരിത്രക്വിസ്, അറബിഭാഷ നൈപുണ്യ മത്സരം എന്നിവയുണ്ടായിരിക്കും. കെ.വി അബ്ദുള്‍ ലത്തീഫ് മലയാളത്തില്‍ മൊഴി മാറ്റിയ നൂറുല്‍ യകീനിന്റെ പ്രകാശനം, എസ്.എല്‍.ആര്‍.സിയുടെ സുവനീര്‍ പ്രകാശനം, ജേതാക്കള്‍ക്കുള്ള അവാര്‍ഡ് ദാനം എന്നിവയുണ്ടായിരിക്കും.
വാര്‍ത്താ സമ്മേളനത്തില്‍ അബ്ദുള്‍ ലത്തീഫ് മൗലവി, കെ.എം മുഹമ്മദ് അഷറഫ്, കെ ഇഫ്ത്തികര്‍ എന്നിവര്‍ പങ്കെടുത്തു.