കോഴിക്കോട്: കുടുംബശ്രീ സംഘടനാ ശാക്തീകരണത്തിന്റെ ഭാഗമായി ജില്ലയിലെ മുഴുവന്‍ കുടുംബശ്രീ അയല്‍ക്കൂട്ടങ്ങളിലും ദിശ -2017 അയല്‍ക്കൂട്ട സ്വയം നവീകരണ പ്രക്രിയ പൂര്‍ത്തിയായി.
ഓരോ അയല്‍ക്കൂട്ടത്തിലെയും അംഗങ്ങള്‍ കൂടിച്ചേര്‍ന്ന് പ്രവര്‍ത്തനം സ്വയം വിലയിരുത്തുകയും ഭാവി പരിപാടികള്‍ ആസൂത്രണം ചെയ്യുകയും ചെയ്തു. എം.കെ രാഘവന്‍ എം.പി സിവില്‍ സ്റ്റേഷന്‍ ഡിവിഷനിലെ സോപാനം, അര്‍ച്ചന, ദര്‍ശന അയല്‍ക്കൂട്ട യോഗങ്ങളില്‍ പങ്കെടുത്തു.
ജില്ലാ മിഷന്‍ കോഡിനേറ്റര്‍ സൈദ് അക്ബര്‍ ബാദ്ഷാ ഖാന്‍, സി.ഡി.എസ് ചെയര്‍പേഴ്‌സണ്‍ ഷീജ, പി.പി ബദ്‌രിയ (ആര്‍.പി), ഷിബില, സാവിത്രി, രാധ സംബന്ധിച്ചു.
കോഴിക്കോട് നോര്‍ത്ത് ചെറുവളപ്പില്‍ ഡിവിഷനിലെ സ്‌നേഹ, ശ്രുതി, വീണ അയല്‍ക്കൂട്ടങ്ങളില്‍ എ. പ്രദീപ് കുമാര്‍ എം.എല്‍.എ പങ്കെടുത്തു. കെ. രജിത, സിസിനി, കെ.ടി സ്മിത സംബന്ധിച്ചു.