കഠിനംകുളം: തിരുവനന്തപുരത്ത് നിന്ന് ഗോഹട്ടിയിലേക്കുപോയ എക്‌സ്പ്രസ് ട്രെയിനിന് നേരെ കല്ലേറ്. ഇന്നലെ വൈകുന്നേരം കഴക്കൂട്ടം മാര്‍ക്കറ്റിന് പുറകുവശത്തെ ട്രാക്കിനടുത്താണ് സംഭവം. എന്‍ജിന്റെ വശത്താണ് ഏറുകൊണ്ടത്. അതിനാല്‍ യാത്രക്കാര്‍ക്ക് പരുക്കേറ്റില്ല. ഏറില്‍ ട്രെയിനിന്റെ വശത്തെ കണ്ണാടിയുടെ ചില്ലുപൊട്ടി.സ്‌കൂള്‍ യൂനിഫോം ധരിച്ചെത്തിയ വിദ്യാര്‍ഥികളാണ് കല്ലെറിഞ്ഞതെന്നു ലോക്കോ പൈലറ്റ് പറഞ്ഞു. ആര്‍.പി എഫ്., കഴക്കൂട്ടം പൊലിസ് അന്വേഷണം ആരംഭിച്ചു.