ന്യൂഡല്‍ഹി: കാഴ്ച പരിമിതരുടെ ടി20 ലോകകപ്പ് ക്രിക്കറ്റില്‍ ബദ്ധവൈരികളായ പാകിസ്താനോടു ഇന്ത്യ തോല്‍വി വഴങ്ങി. ഏഴു വിക്കറ്റിനാണു നിലവിലെ ചാംപ്യന്‍മാരായ ഇന്ത്യ പരാജയപ്പെട്ടത്. ആദ്യം ബാറ്റു ചെയ്ത ഇന്ത്യ നിശ്ചിത 20 ഓവറില്‍ നാലു വിക്കറ്റ് നഷ്ടത്തില്‍ 240 റണ്‍സെന്ന മികച്ച സ്‌കോര്‍ പടുത്തുയര്‍ത്തിയപ്പോള്‍ പാകിസ്താന്‍ മൂന്നു വിക്കറ്റ് മാത്രം നഷ്ടത്തില്‍ ലക്ഷ്യം മറികടന്നു. ആദ്യ മത്സരത്തില്‍ ഇന്ത്യ ബംഗ്ലാദേശിനെ പരാജയപ്പെടുത്തിയിരുന്നു.