മക്ക: ഈ വര്‍ഷത്തെ ഇന്ത്യ സഊദി ഹജ്ജ് കരാറില്‍ ഒപ്പുവെക്കാനായി സഊദിയില്‍ എത്തിയ കേന്ദ്ര ന്യൂനപക്ഷ മന്ത്രി മുഖ്താര്‍ അബ്ബാസ് നഖ്‌വി സഊദിയിലെത്തി. മക്കയിലെത്തിയ അദ്ദേഹം ഉംറ നിര്‍വ്വഹിച്ച ശേഷമാണ് ജിദ്ദയിലേക്ക് മടങ്ങിയത്. ഇന്ത്യന്‍ അംബാസിഡര്‍ അഹ്മദ് ജാവേദ്, ഇന്ത്യന്‍ ഹജ്ജ് കോണ്‍സുല്‍ മുഹമ്മദ് നൂര്‍ റഹ് മാന്‍ ശൈഖ് എന്നിവര്‍ക്കൊപ്പമാണ് കേന്ദ്രമന്തി വിശുദ്ധ ഉംറ നിര്‍വഹിച്ചത്. ഇന്ന് രാവിലെയാണ് ഇന്ത്യ- സഊദി ഹജ്ജ് കരാര്‍ ഒപ്പുവെക്കുന്നത്.