പട്ടാമ്പി: എഴുപതില്‍പരം ബാലസാഹിത്യകൃതികളും അഞ്ച് നോവലുകളും അഞ്ച് ചെറുകഥാ സമാഹാരങ്ങളും എഴുതിയ എം.എസ് കുമാറിനെ ജന്മനാട് ഇന്ന് ആദരിക്കും. എഴുത്തിന്റെ അമ്പതാം പിറന്നാളിനോടനുബന്ധിച്ച് ഞാങ്ങാട്ടിരി എ.യു.പി സ്‌കൂളില്‍ നടക്കുന്ന പീലിക്കാവടി ചടങ്ങില്‍ ഹരിതം ബുക്‌സ് പ്രസിദ്ധീകരിച്ച ആറ് പുസ്തകങ്ങളുടെ പ്രകാശനം മന്ത്രി എ.കെ ബാലന്‍ നിര്‍വഹിക്കും.
ഞാങ്ങാട്ടിരി എ.യു.പി സ്‌കൂളില്‍നിന്ന് വിരമിച്ച എം.എസ് കുമാര്‍ നാട്ടില്‍ സൂര്യകുമാരന്‍ മാഷ് എന്നാണ് അറിയപ്പെടുന്നത്.
ബാലസാഹിത്യ രചനയില്‍ ശ്രദ്ധനേടിയ ഇദ്ദേഹം എഴുത്ത് തൂലികയില്‍ എം.എസ് കുമാറാണ്. മിടുക്കന്‍ ബാബുവാണ് ആദ്യകൃതി. ഉടുക്ക് എന്ന നോവലില്‍ മാമന്‍മ ാപ്പിള അവാര്‍ഡ് ലഭിച്ചതോടെ എഴുത്തുകാരുടെ പട്ടികയില്‍ ഇടം നേടി.
മന്ദാകിനിയുടെ ഗാനം എന്ന നോവലിന് കേന്ദ്രസാംസ്‌കാരിക ഫെല്ലോഷിപ്പും ലഭിച്ചിട്ടുണ്ട്. ബാലസാഹിത്യ രംഗത്തെ സമഗ്രസംഭാവന പരിഗണിച്ച് ഇന്ത്യന്‍ ശിശു വിദ്യാഭ്യാസ കൗണ്‍സില്‍ നാഷണല്‍ അവാര്‍ഡ് ലഭിച്ചു.
ഭാര്യ അധ്യാപികയായ പി.ആര്‍ കമലയാണ്. മക്കള്‍: ദീപ, ദിലീപ്.