തിരുവനന്തപുരം: സമസ്ത കേരള ജംഇയ്യത്തുല്‍ ഉലമ സെക്രട്ടറിയും സംസ്ഥാന ഹജ്ജ് കമ്മിറ്റി ചെയര്‍മാനും സമസ്ത കേരള ഇസ്ലാം മത സ വിദ്യാഭ്യാസ ബോര്‍ഡ് ജനറല്‍ സെക്രട്ടറിയും കടമേരി റഹ്മാനിയ അറബിക് കോളജ് പ്രിന്‍സിപ്പാളും സുപ്രഭാതം ചെയര്‍മാനും ആയിരിക്കേ വിടപറഞ്ഞ മര്‍ഹൂം കോട്ടുമല ബാപ്പു മുസ്‌ലിയാര്‍, സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ എക്‌സിക്യൂട്ടീവ് മെമ്പറും സമസ്ത മദ്‌റസ അധ്യാപക പരിശീലകനും ആയിരിക്കേ വിട പറഞ്ഞ മര്‍ഹൂം വിഴിഞ്ഞം അബ്ദുല്‍ കബീര്‍ ദാരിമി എന്നിവരുടെ പേരില്‍ തിരുവനന്തപുരം ജില്ലാ സമസ്ത കോഓര്‍ഡിനേഷന്റെ ആഭിമുഖ്യത്തില്‍ അനുസ്മരണവും ദുആ മജ്‌ലിസും സംഘടിപ്പിക്കും. ഇന്ന് രാവിലെ പത്തിന് തിരുവനന്തപുരം മേലേ തമ്പാനൂരിലുള്ള സമസ്ത ജൂബിലി സൗധത്തില്‍ നടക്കുന്ന പരിപാടിയില്‍ മത, സാംസ്‌കാരിക, രാഷ്ട്രീയ രംഗത്തെ പ്രമുഖര്‍ പങ്കെടുക്കും.