ന്യൂഡല്‍ഹി: വിദേശഫണ്ട് വിനിമയചട്ടം (എഫ്.സി.ആര്‍.എ) ലംഘിച്ചെന്ന ആരോപണത്തില്‍ സാമൂഹിക പ്രവര്‍ത്തകരായ ടീസ്റ്റാസെത്തല്‍വാദിനും ഭര്‍ത്താവ് ജാവേദ് ആനന്ദിനുമെതിരേ സി.ബി.ഐ കുറ്റപത്രംസമര്‍പ്പിച്ചു. 2004ല്‍ തങ്ങളുടെ ഉടമസ്ഥതയിലുള്ള സബ്രങ് കമ്യൂണിക്കേഷന്‍സ് ആന്‍ഡ് പബ്ലിഷിങ് പ്രൈവറ്റ് ലിമിറ്റഡിന് ഫോര്‍ഡ് ഫൗണ്ടേഷനില്‍നിന്നു പണംലഭിച്ചതുമായി ബന്ധപ്പെട്ട കേസിലാണ് സി.ബി.ഐയുടെ നടപടി. വിദേശഫണ്ട് ലഭിക്കുന്നതിനായി എഫ്.സി.ആര്‍.എ നിയമം ലഘിച്ചെന്നാരോപിച്ച് 2015ല്‍ ഇവര്‍ക്കെതിരേ കേസെടുത്തിരുന്നു.
നിയമവിരുദ്ധമായി ടീസ്തക്കും ഭര്‍ത്താവിനും കീഴിലുള്ള സബ്രങ് പ്രസിദ്ധീകരണാലയം 2,90,000 യു.എസ് ഡോളര്‍ ഫണ്ട് കൈപ്പറ്റിയെന്നാണ് സി.ബി.ഐ കുറ്റപത്രത്തില്‍ ആരോപിച്ചിരിക്കുന്നത്. ആരോപണം ടീസ്ത നിഷേധിച്ചു. കേസില്‍ ഇവര്‍ക്ക് മുന്‍കൂര്‍ ജാമ്യംലഭിച്ചു.