മലപ്പുറം: ഇംഇയ്യത്തുല്‍ മുഅല്ലിമീന്‍ സംഘടിപ്പിക്കുന്ന ഇസ്‌ലാമിക കലാമേളയുടെ മേഖലാതല മത്സരങ്ങള്‍ ഇന്നു തുടങ്ങും. 13 മേഖലകളിലായി ആയിരത്തോളം വിദ്യാര്‍ഥികള്‍ 55 ഇനങ്ങളില്‍ മാറ്റുരക്കും. 12 ഇനങ്ങളിലായി 250 മുഅല്ലിംകള്‍ മുഅല്ലിം ഫെസ്റ്റിലും പങ്കെടുക്കും.
ഈസ്റ്റ് ജില്ലയില്‍ എട്ടു മേഖലകളിലും വെസ്റ്റ് ജില്ലയില്‍ ആറു മേഖലകളിലുമാണ് മത്സരം നടക്കുന്നത്. റെയ്ഞ്ചുതല മത്സരങ്ങളില്‍ ഒന്നാംസ്ഥാനം നേടിയവരാണ് മേഖലാ മത്സരങ്ങളില്‍ പങ്കെടുക്കുന്നത്. കൊണ്ടോട്ടി മേഖലാ മത്സരം ഇന്നു രാവിലെ ഒന്‍പതിനു പുളിയക്കോട് ആക്കപ്പറമ്പില്‍ പി. ഉബൈദുല്ല എം.എല്‍.എ ഉദ്ഘാടനം ചെയ്യും. കുഴിമണ്ണ പഞ്ചായത്ത് പ്രസിഡന്റ് പി.കെ ബാലത്തില്‍ ബാപ്പു, എം.പി ഹംസ മൗലവി, അലവി ദാരിമി കുഴിമണ്ണ സംസാരിക്കും.
നിലമ്പൂര്‍, വണ്ടൂര്‍, പെരിന്തല്‍മണ്ണ, മഞ്ചേരി, എടവണ്ണപ്പാറ, മലപ്പുറം മേഖലാ മത്സരങ്ങള്‍ 12ന് നടക്കും. നിലമ്പൂര്‍ മേഖലാ മത്സരം കരുളായി പിലാക്കോട്ടുപാടം ഓര്‍ഫനേജില്‍ അബ്ദുല്‍വഹാബ് എം.പി ഉദ്ഘാടനം ചെയ്യും. അമാനുള്ള ദാരിമി, പി.വി അന്‍വര്‍ എം.എല്‍.എ പങ്കെടുക്കും. വണ്ടൂര്‍ മേഖലാ മത്സരം അഞ്ചച്ചവിടിയില്‍ എ.പി അനില്‍കുമാര്‍ എം.എല്‍.എ ഉദ്ഘാടനം ചെയ്യും. പി. ഹസന്‍ മുസ്‌ലിയാര്‍, അസ്‌കര്‍ ദാരിമി സംബന്ധിക്കും. പെരിന്തല്‍മണ്ണ പുത്തനങ്ങാടി ശുഹദാ നഗറില്‍ ടി.എ അഹമദ് കബീര്‍ എം.എല്‍.എ ഉദ്ഘാടനം ചെയ്യും. ഹാജി കെ. മമ്മദ് ഫൈസി, ശമീര്‍ ഫൈസി ഒടമല, കെ.കെ.സി.എം തങ്ങള്‍ സംസാരിക്കും.
മലപ്പുറം മേഖലാ മത്സരം ഒഴുകൂര്‍ പള്ളിമുക്ക് ഹയാത്തുല്‍ ഇസ്‌ലാം മദ്‌റസയില്‍ ടി.വി ഇബ്രാഹിം എം.എല്‍.എ ഉദ്ഘാനടം ചെയ്യും. മുഹമ്മദലി മുസ്‌ലിയാര്‍, സ്വാദിഖ് ഫൈസി അരിമ്പ്ര സംസാരിക്കും. മഞ്ചേരി മേഖലാതല മത്സരം നെല്ലിക്കുത്ത് സ്വലാഹുദ്ദീന്‍ മദ്‌റസയില്‍ അഡ്വ. എം. ഉമ്മര്‍ എം.എല്‍.എ ഉദ്ഘാടനം ചെയ്യും. അബ്ദുസമദ് മുസ്‌ലിയാര്‍, അബ്ദുറസാഖ് ഫൈസി പങ്കെടുക്കും. എടവണ്ണപ്പാറ മേഖലാ മത്സരം ചീക്കോട് മദ്‌റസയില്‍ പഞ്ചായത്ത് പ്രസിഡന്റ് കെ.പി സഈദ് ഉദ്ഘാടനം ചെയ്യും. പി.എ ജബ്ബാര്‍ ഹാജി, ബി.എസ്.കെ തങ്ങള്‍ പങ്കെടുക്കും.
കൊളത്തൂര്‍ മേഖലാ മത്സരം 19ന് പുളിയാട്ടുകുളത്ത് അഡ്വ. എന്‍. ശംസുദ്ദീന്‍ എം.എല്‍.എ ഉദ്ഘാടനം ചെയ്യും. കെ.ടി ഹുസൈന്‍കുട്ടി മൗലവി, പഞ്ചായത്ത് പ്രസിഡന്റ് സി.പി ഷാജി, ഷൗക്കത്ത് അസ്ലമി സംസാരിക്കും. വെസ്റ്റ് ജില്ലയിലെ കോട്ടക്കല്‍, തിരൂര്‍, പൊന്നാനി മേഖലാ മത്സരങ്ങള്‍ 12നും ചെമ്മാട്, ചേളാരി, വളാഞ്ചേരി മേഖലാ മത്സരങ്ങള്‍ 26നും നടക്കും. മേഖലാതല മത്സരത്തിലെ വിജയികള്‍ പങ്കെടുക്കുന്ന ജില്ലാതല മത്സരം ഈസ്റ്റ് ജില്ലയില്‍ 24, 25, 26 തിയതികളില്‍ കിഴിശ്ശേരിയിലും വെസ്റ്റ് ജില്ലയില്‍ ഏപ്രില്‍ 14,15 തിയതികളില്‍ മൂന്നാക്കലിലും നടക്കും. .