മങ്കട:  മദ്രാസ് യൂനിവേഴ്‌സിറ്റിയില്‍ നടന്ന ദേശീയ അറബി ഗാന മത്സരത്തില്‍  മൂന്നു സ്ഥാനങ്ങളും മലയാളി വിദ്യാര്‍ഥികള്‍ തൂത്തുവാരി. മലയാളി വിദ്യാര്‍ഥികളായ കണ്ണൂര്‍ സ്വദേശിനി ശിഫാന എം.പി,  പെരിന്തല്‍മണ്ണ തൂത ദാറുല്‍ ഉലൂം വാഫി കോളജ് വിദ്യാര്‍ഥി ഹാഫിള്  മുഹമ്മദ് റഷാദ്, മഞ്ചേരിയിലെ സിദ്‌റത്തുല്‍ മുന്‍തഹ  എന്നിവരാണ് യഥാക്രമം ഒന്നും രണ്ടും മൂന്നും സ്ഥാനങ്ങള്‍  നേടിയത്. പങ്കെടുത്ത 40 പേരില്‍ നിന്നു സോഷ്യല്‍ മീഡിയ  വഴിയാണ്  സ്‌റ്റേജ് മത്സരത്തിന് അര്‍ഹരായവരെ തെരഞ്ഞെടുത്തത്.