ഈറോഡ് സൗത്ത്: മുന്‍ കേന്ദ്ര മന്ത്രിയും ഇന്ത്യന്‍ യൂനിയന്‍ മുസ്‌ലിം ലീഗ് അഖിലേന്ത്യ പ്രസിഡന്റുമായിരുന്ന ഇ.അഹമ്മദിന്റെ നിര്യാണത്തില്‍ ഈറോഡ് സൗത്ത് ജില്ലാ മുസ്‌ലിം ലീഗിന്റെ ആഭിമുഖ്യത്തില്‍ സര്‍വകക്ഷി അനുസ്മരണ യോഗം സംഘടിപ്പിച്ചു .സെക്രട്ടറി ആരിഫ് അധ്യക്ഷത വഹിച്ചു. ജംഇയ്യത്തുല്‍ ഉലമ ജനറല്‍ സെക്രട്ടറി ഉമര്‍ഫാറൂഖ് പ്രാര്‍ഥന നിര്‍വഹിച്ചു.
മുസ്‌ലിം എജ്യുക്കേഷനല്‍ അക്കാദമി ചെയര്‍മാന്‍ ഡോ. അബുല്‍ഹസ്സന്‍ മുഖ്യപ്രഭാഷണം നടത്തി. വിവിധ രാഷ്ട്രീയ പാര്‍ട്ടി നേതാക്കളായ പി.എന്‍ നടേശന്‍, രാജേന്ദ്രന്‍,തുളസീമണി, ശരവണന്‍, ലുക്മാന്‍ ഹക്കീം, ഈറോഡ് സൗത്ത് ഖാസി കിഫായത്തുള്ള, അല്‍ അമീന്‍ പോളിടെക്‌നിക് എന്‍ജിനീയറിങ് കോളജ് ചെയര്‍മാന്‍ ജാഫറുള്ള, കെ. എം.സി.സി കോ ഓര്‍ഡിനേറ്റര്‍ കെ.പി യൂനുസ് പരപ്പനങ്ങാടി, സേട്ട്, അല്‍അമീന്‍ സംഘം സെക്രട്ടറി ആര്‍.എസ്. എ അബ്ദുല്‍ഖാദര്‍,തമിഴ്‌നാട് ന്യൂനപക്ഷ ക്ഷേമ സംഘടന സെക്രട്ടറി ഇര്‍ഷാദ് അലി ,ഈറോഡ് ജംഇയ്യത്തുല്‍ ഉലമ സെക്രട്ടറി ഹസ്‌റത്ത് ത്വയ്യിബ് ദാവൂദി സംസാരിച്ചു.