കാസര്‍കോട്: ദാരിമീസ് അസോസിയേഷന്‍ ജില്ലാ കമ്മിറ്റിയുടെ ആഭിമുഖ്യത്തില്‍ 20നു രാവിലെ 10 മുതല്‍ ചെര്‍ക്കളയില്‍ നടക്കുന്ന കണ്ണിയത്ത് ഉസ്താദ്-ശംസുല്‍ ഉലമ ആണ്ട് നേര്‍ച്ച സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്യും. പരിപാടിയുടെ വിവിധ പ്രചരണ പരിപാടികള്‍ക്കു കാട്ട ഉസ്താദിന്റെ ഖബ്ര്‍ സിയാറത്തോടെ തുടക്കമായി. പ്രചാരണ ഉദ്ഘാടനം എസ്.വൈ.എസ് ജില്ലാ സെക്രട്ടറി സയ്യിദ് ഹാദി തങ്ങള്‍ മൊഗ്രാല്‍ നിര്‍വഹിച്ചു. ജില്ലാ പ്രസിഡന്റ് റസാഖ് ദാരിമി മീലാദ് നഗര്‍ അധ്യക്ഷനായി. ജനറല്‍ സെക്രട്ടറി ഖലീല്‍ ദാരിമി ബെളിഞ്ചം, കൊപ്ലം ജമാഅത്ത് മുദരിസ് ഹൈദര്‍ ദാരിമി, ജില്ലാ ട്രഷറര്‍ ഖാസിം ദാരിമി മണിയൂര്‍, ഇസ്മാഈല്‍ ദാരിമി, ഹനീഫ് ദാരിമി, ജെ.പി മുഹമ്മദ് ദാരിമി, ശാഫി ദാരിമി മൊഗ്രാല്‍ പുത്തൂര്‍, ജമാഅത്ത് ട്രഷറര്‍ അറബി, ബി.കെ. അബ്ദുള്‍ ഖാദര്‍, അബ്ദുള്‍ റഹ്മാന്‍, റിയാസ് മൊഗ്രാല്‍, ബി.എന്‍ മുഹമ്മദലി, കെ.എം ഇബ്‌റാഹീം സംബന്ധിച്ചു.