പാലാ: സെന്റ് ജോസഫ്‌സ് എന്‍ജിനീയറിങ് കോളജില്‍ ഇന്റര്‍ കോളജ് ഗെയിംസ് ഫെസ്റ്റ് 'പെയ്‌സ് 2017' ആറു മുതല്‍ 17 വരെ നടക്കും.
വോളിബോള്‍, ഫുട്‌ബോള്‍, ബാസ്‌ക്കറ്റ് ബോള്‍, ക്രിക്കറ്റ്, ബാറ്റ്മിന്റണ്‍ എന്നീ മത്സര ഇനങ്ങളില്‍ കേരളത്തില്‍ നിന്നുള്ള 20ല്‍പരം പ്രമുഖ കോളജ് ടീമുകള്‍ പങ്കെടുക്കും.
ഉദ്ഘാടന സമ്മേളനത്തില്‍ കോളജ് ചെയര്‍മാന്‍, മോണ്‍. റവ.ഡോ. ജോസഫ് കൊല്ലംപറമ്പില്‍, മാനേജര്‍ റവ. ഫാ. മാത്യു കോരംകുഴ, പ്രിന്‍സിപ്പല്‍ ഡോ. സി.ജെ ജോസഫ്, ബര്‍സാര്‍ റവ. ഫാ. ജോസ് തറപ്പേല്‍, ഫിസിക്കല്‍ എജ്യൂക്കേഷന്‍ ഡയറക്ടര്‍ ബൈജു ജേക്കബ് പങ്കെടുക്കും. ക്രിക്കറ്റ് ഉദ്ഘാടന മത്സരത്തില്‍ അമല്‍ജോതി കോളജ്, മംഗളം കോളജുമായി ഏറ്റുമുട്ടും.
ബാസ്‌കറ്റ് ബോള്‍ ഉദ്ഘാടന മല്‍സരത്തില്‍ സെന്റ് ജോസഫ്‌സ് പാലാ, എം.ബി.സി കോളജുമായി മാറ്റുരക്കും.