മലപ്പുറം: ആക്ടീവ് മെമ്പര്‍ ഫോര്‍ ഇസ്‌ലാമിക് ലോയല്‍ ആക്ടിവിറ്റീസ് എന്ന സുന്നി യുവജന സംഘം ആമില അംഗങ്ങള്‍ ഇനി കര്‍മരംഗത്ത് നിറഞ്ഞുനില്‍ക്കും. വിവിധ ഘട്ടങ്ങളിലായി സംഘടിപ്പിച്ച പരിശീലന ക്യാംപുകള്‍ക്കു ശേഷം ജില്ലയുടെ നാല് ഏരിയകളിലായി നടന്ന ഫീല്‍ഡ് വര്‍ക്‌ഷോപ്പുകള്‍ ഉജ്വലമായി.
തിരൂരങ്ങാടി, താനൂര്‍, വേങ്ങര, വള്ളിക്കുന്ന് മണ്ഡലങ്ങളുടെ ശില്‍പശാല കുണ്ടൂര്‍ മര്‍കസിലും പൊന്നാനി, തവനൂര്‍, തിരൂര്‍, കോട്ടക്കല്‍ മണ്ഡലങ്ങളിലെ ആമിലകളുടെ ശില്‍പശാല കാടഞ്ചേരി നൂറുല്‍ ഹുദയിലും നിലമ്പൂര്‍, വണ്ടൂര്‍, മഞ്ചേരി, ഏറനാട് മണ്ഡലങ്ങളിലെ ആമിലകളുടെ ശില്‍പശാല ചെറുകോട് യതീംഖാനയിലും പെരിന്തല്‍മണ്ണ, മങ്കട, മലപ്പുറം, കൊണ്ടോട്ടി മണ്ഡലങ്ങളിലെ ആമിലകളുടെ ശില്‍പശാല പടിഞ്ഞാറ്റുമുറി ഫള്ഫരി യതീംഖാനയിലും നടന്നു.
പാണക്കാട് സയ്യിദ് അബ്ബാസലി ശിഹാബ് തങ്ങള്‍, സയ്യിദ് കെ.കെ.എസ് തങ്ങള്‍ വെട്ടിച്ചിറ, ഹാജി കെ. മമ്മദ് ഫൈസി, അബ്ദുല്‍ ഹമീദ് ഫൈസി അമ്പലക്കടവ് എന്നിവര്‍ അനുഗ്രഹ പ്രഭാഷണം നടത്തി. സമസ്ത നാള്‍ വഴി സെഷനുകള്‍ക്ക് ജില്ലാ ജനറല്‍ സെക്രട്ടറി അബ്ദുസ്സമദ് പൂക്കോട്ടൂര്‍ നേതൃത്വം നല്‍കി.
തഅ്ദിയത്ത്, തബ്‌സിറത്ത്, തസ്‌കിയത്ത്, ജംഇയ്യത്ത് എന്നീ നാല് വകുപ്പുകള്‍ കേന്ദ്രീകരിച്ചുളള പഠനവും ചര്‍ച്ചകളും നടന്നു. പ്രബോധന സംഘത്തെ ഫീല്‍ഡുകളിലേക്കിറക്കുന്ന വഫ്‌ദൊരുക്കല്‍ കര്‍മത്തിന് ജില്ലാ റഈസ് കെ.ടി മൊയ്തീന്‍ ഫൈസി കാര്‍മികത്വം വഹിച്ചു.
പാക്കേജ് സമര്‍പ്പണം ജില്ലാ സെക്രട്ടറി സലീം എടക്കര നിര്‍വഹിച്ചു. ഹസന്‍ സഖാഫി പൂക്കോട്ടൂര്‍, ഹംസ റഹ്മാനി കൊണ്ടിപ്പറമ്പ്, ളിയാഉദ്ദീന്‍ ഫൈസി മേല്‍മുറി, എം.പി കടുങ്ങല്ലൂര്‍, ആനമങ്ങാട് മുഹമ്മദ് കുട്ടി ഫൈസി, ഷാഹുല്‍ ഹമീദ് മേല്‍മുറി, ഇബ്രാഹീം ഫൈസി തിരൂര്‍ക്കാട്, കെ.പി.എം ഇരുമ്പുഴി, മഹ്ബൂബ് ഫൈസി പാതാര്‍, ഡോ. നാസിമുദ്ദീന്‍ എന്നിവര്‍ വിഷയാവതരണം നടത്തി. കാടാമ്പുഴ മൂസ ഹാജി, അബ്ദുല്‍ ഖാദിര്‍ ഫൈസി കുന്നുംപുറം, സി.എച്ച് ത്വയ്യിബ് ഫൈസി, സയ്യിദ് ബി.എസ്.കെ തങ്ങള്‍ എടവണ്ണപ്പാറ, പി.വി മുഹമ്മദ് മൗലവി, സി. അബ്ദുല്ല മൗലവി, കാളാവ് സൈതലവി മുസ്‌ലിയാര്‍, ശാഫി മാസ്റ്റര്‍ ആലത്തിയൂര്‍, അബ്ദുര്‍ റഹീം ചുഴലി സംബന്ധിച്ചു.