ചെങ്ങന്നൂര്‍ : മുളക്കുഴ പഞ്ചായത്തിലെ കൊഴുവല്ലൂര്‍ പൂതംകുന്ന് കോളനി നിവാസികളായ രാജപ്പന്‍ അമ്പിളി ദമ്പതികള്‍ക്കെതിരെ സി.പി.എം ഏര്‍പ്പെടുത്തിയിരിക്കുന്ന ഊരു വിലക്ക് അവസാനിപ്പിക്കണമെന്ന് കൊടിക്കുന്നില്‍ സുരേഷ് എം.പി ആവശ്യപ്പെട്ടു.
രാജപ്പനും അമ്പിളിക്കും ജോലിക്ക് പോകാനോ മക്കള്‍ക്ക് സ്‌കൂളില്‍ പോകാനോ പറ്റാത്ത അവസ്ഥയാണെന്ന് പരാതി ഉന്നയിച്ച കുടുംബത്തെ സന്ദര്‍ശിച്ചശേഷം അദ്ദേഹം പറഞ്ഞു.കുറ്റക്കാര്‍ക്കെതിരെ പട്ടികജാതി പട്ടികവര്‍ഗ്ഗ പീഡന നിരോധന നിയമപ്രകാരം കേസെടുത്ത് എത്രയും വേഗം അറസ്റ്റ് ചെയ്യണമെന്നും എം.പി. ആവശ്യപ്പെട്ടു.
സി.പി.എം പട്ടികജാതി പട്ടികവര്‍ഗ്ഗ വിഭാഗങ്ങളുടെ നേരെ നടത്തിവരുന്ന അക്രമ പരമ്പരകളുടെ അവസാനത്തെ സംഭവം ആണ ് കൊഴുവല്ലൂരിലേതെന്ന് അദ്ദേഹം പറഞ്ഞു. ഈ വിഷയത്തില്‍ പൊലീസ് സി.പി.എമ്മിന ് അനുകൂലമായ നടപടികളാണ ് കൈക്കൊള്ളുന്നത്.പൊലീസിന്റെ നയം മാറ്റിയില്ലെങ്കില്‍ മറ്റ് പട്ടികജാതി പട്ടികവര്‍ഗ്ഗ സംഘടനകളുമായി സഹകരിച്ച് ശക്തമായ സമരപരിപാടികള്‍ ആരംഭിക്കുമെന്നും എം.പി. പറഞ്ഞു.
ഐ.എന്‍.ടി.യു.സി മണ്ഡലം പ്രസിഡന്റ് പ്രവീണ്‍. എന്‍.പ്രഭ, പി.വി.ഗോപിനാഥന്‍, കൃഷ്ണപിള്ള, അഡ്വ. പ്രമോദ്, അഡ്വ. മനോജ് എന്നിവര്‍ എം പിക്കൊപ്പം ഉണ്ടായിരുന്നു.