HOME
DETAILS

ലോക്കപ്പുകളില്‍ സി.സി.ടി.വി കാമറ സ്ഥാപിക്കണമെന്ന് മനുഷ്യാവകാശ കമ്മിഷന്‍

  
backup
January 15 2018 | 02:01 AM

%e0%b4%b2%e0%b5%8b%e0%b4%95%e0%b5%8d%e0%b4%95%e0%b4%aa%e0%b5%8d%e0%b4%aa%e0%b5%81%e0%b4%95%e0%b4%b3%e0%b4%bf%e0%b4%b2%e0%b5%8d%e2%80%8d-%e0%b4%b8%e0%b4%bf-%e0%b4%b8%e0%b4%bf-%e0%b4%9f%e0%b4%bf


തിരുവനന്തപുരം: സംസ്ഥാനത്തെ പൊലിസ് സ്റ്റേഷനുകളിലും ലോക്കപ്പ് ഉള്‍പ്പെടെയുള്ള പ്രധാന സ്ഥലങ്ങളിലും റെക്കോര്‍ഡിങ് സംവിധാനമുള്ള സി.സി.ടി.വി കാമറകള്‍ സ്ഥാപിക്കണമെന്ന് സംസ്ഥാന മനുഷ്യാവകാശ കമ്മിഷന്‍.
പ്രതികളെ പീഡിപ്പിക്കുന്നതും അനധികൃത കസ്റ്റഡിയും അവസാനിപ്പിക്കാന്‍ ഇത് അനിവാര്യമാണെന്ന് കമ്മിഷന്‍ ആക്റ്റിങ് അധ്യക്ഷന്‍ പി. മോഹനദാസ് സംസ്ഥാന പൊലിസ് മേധാവിക്ക് നിര്‍ദേശം നല്‍കി. കസ്റ്റഡിയില്‍ കഴിയുന്ന പ്രതികളെ പൊലിസ് മര്‍ദിക്കുന്നുവെന്ന പരാതികള്‍ ഏറിവരികയാണെന്നും ഉത്തരവിലുണ്ട്. കെ.എസ്.ആര്‍.ടി.സി നെടുമങ്ങാട് ഡിപ്പോയില്‍ കണ്ടക്ടറായി ജോലിചെയ്യുന്ന വൃക്ക രോഗിയായ ഇരിഞ്ചയം സ്വദേശി സജിത്തിന് കസ്റ്റഡിയില്‍ അവശ്യമരുന്നുകള്‍ നിഷേധിച്ച പൊലിസ് ഉദ്യോഗസ്ഥര്‍ക്കെതിരേ വകുപ്പുതല നടപടി സ്വീകരിക്കണമെന്നും കമ്മിഷന്‍ ആവശ്യപ്പെട്ടു.
അറസ്റ്റ് ചെയ്യുന്ന സമയത്ത് പാലിക്കേണ്ട സുപ്രിംകോടതി നിര്‍ദേശങ്ങള്‍ പാലിച്ചില്ല. വക്കീലിനെ കാണാന്‍പോലും അവസരം നല്‍കിയില്ല. പരാതിക്കാരന് വൈദ്യസഹായം നല്‍കുന്നതില്‍ വീഴ്ചയുണ്ടായതായും കമ്മിഷന്‍ കണ്ടെത്തി. സുപ്രിംകോടതി ഉത്തരവ് പാലിക്കാത്തത് മനുഷ്യാവകാശലംഘനവും കോടതി ഉത്തരവിന്റെ ലംഘനവുമാണെന്നും കമ്മിഷന്‍ വ്യക്തമാക്കി.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."