HOME
DETAILS

ജാമിഅ നൂരിയ്യ: ഗ്രാന്റ് സല്യൂട്ട് ഫലസ്തീന്‍ അംബാസിഡര്‍ ഉദ്ഘാടനം ചെയ്യും

  
backup
January 15 2018 | 02:01 AM

%e0%b4%9c%e0%b4%be%e0%b4%ae%e0%b4%bf%e0%b4%85-%e0%b4%a8%e0%b5%82%e0%b4%b0%e0%b4%bf%e0%b4%af%e0%b5%8d%e0%b4%af-%e0%b4%97%e0%b5%8d%e0%b4%b0%e0%b4%be%e0%b4%a8%e0%b5%8d%e0%b4%b1%e0%b5%8d-%e0%b4%b8


പെരിന്തല്‍മണ്ണ: പട്ടിക്കാട് ജാമിഅ നൂരിയ്യയുടെ 55-ാം വാര്‍ഷിക 53-ാം സനദ്ദാന സമ്മേളനത്തോടനുബന്ധിച്ച് നടക്കുന്ന ഗ്രാന്റ് സല്യൂട്ട് ഫലസ്തീന്‍ അംബാസിഡര്‍ അദ്‌നാന്‍ അബൂഹൈജ ഉദ്ഘാടനം ചെയ്യും.
കേരളം, തമിഴ്‌നാട്, കര്‍ണാടക സംസ്ഥാനങ്ങളില്‍ ജാമിഅ നൂരിയ്യയുടെ സിലബസ് പ്രകാരം പഠനം നടത്തുന്ന നാലായിരത്തി അഞ്ഞൂറോളം വിദ്യാര്‍ഥികള്‍ ഗ്രാന്റ് സല്യൂട്ടില്‍ അണിനിരക്കും. അറുപതോളം സ്ഥാപനങ്ങളാണ് നിലവില്‍ ജാമിഅക്ക് കീഴില്‍ പ്രവര്‍ത്തിച്ചുകൊണ്ടിരിക്കുന്നത്.
ഗ്രാന്റ് സല്യൂട്ടിനോടനുബന്ധിച്ച് നടക്കുന്ന എന്‍ലൈറ്റ്‌മെന്റ് ക്യാംപില്‍ വിദ്യാഭ്യാസം, മോട്ടിവേഷന്‍, അഭിവാദനം, പ്രബോധനം എന്നീ നാലു മേഖലകളിലെ പരിശീലന പരിപാടികളാണ് ജൂനിയര്‍ കോളജ് വിദ്യാര്‍ഥികള്‍ക്കായി സംഘടിപ്പിച്ചിരിക്കുന്നത്. 20ന് വൈകിട്ട് 4.30ന് നടക്കുന്ന ഗ്രാന്റ് സല്യൂട്ടില്‍ പാണക്കാട് സയ്യിദ് സാദിഖലി ശിഹാബ് തങ്ങള്‍ ആധ്യക്ഷത വഹിക്കും സമസ്ത കേരള ജംഇയ്യത്തുല്‍ ഉലമാ ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ നാഷണല്‍ ദഅ്‌വാ ടീം പ്രഖ്യാപനവും സയ്യിദ് ഹൈദരലി ശിഹാബ് തങ്ങള്‍ സമര്‍പ്പണവും നടത്തും.
സജ്ദ ഗ്രാന്റ് വോയ്‌സ് പി.കെ കുഞ്ഞാലിക്കുട്ടി എം.പി പ്രകാശനം ചെയ്യും. പി.വി അബ്ദുല്‍ വഹാബ് എം.പി അതിഥിയായി പങ്കെടുക്കും. ഇറാം ഗ്രൂപ്പ് ചെയര്‍മാന്‍ ഡോ.സിദ്ദീഖ് അഹമ്മദ് അവാര്‍ഡ് ദാനം നടത്തും. വി.കെ ഇബ്രാഹീം കുഞ്ഞ് എം.എല്‍.എ, പാറക്കല്‍ അബ്ദുല്ല എം.എല്‍.എ, സ്വലാഹുദ്ദീന്‍ ഫൈസി വല്ലപ്പുഴ പ്രസംഗിക്കും.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."