HOME
DETAILS

വ്യാജ സ്വദേശിവല്‍ക്കരണം; നിയമഭേദഗതിക്ക് അംഗീകാരം

  
backup
February 07 2017 | 19:02 PM

%e0%b4%b5%e0%b5%8d%e0%b4%af%e0%b4%be%e0%b4%9c-%e0%b4%b8%e0%b5%8d%e0%b4%b5%e0%b4%a6%e0%b5%87%e0%b4%b6%e0%b4%bf%e0%b4%b5%e0%b4%b2%e0%b5%8d%e2%80%8d%e0%b4%95%e0%b5%8d%e0%b4%95%e0%b4%b0%e0%b4%a3%e0%b4%82

റിയാദ്: വ്യാജ സ്വദേശിവല്‍ക്കരണം നടപ്പാക്കുന്നവര്‍ക്ക് കടുത്ത ശിക്ഷ വ്യവസ്ഥ ചെയ്യുന്ന നിയമഭേദഗതിക്ക് സഊദി മന്ത്രിസഭയുടെ അംഗീകാരം.
സഊദി ഭരണാധികാരി സല്‍മാന്‍ രാജാവിന്റെ അധ്യക്ഷതയില്‍ ചേര്‍ന്ന മന്ത്രിസഭാ യോഗമാണ് തൊഴില്‍ മന്ത്രാലയവും ശൂറാ കൗണ്‍സിലും സമര്‍പ്പിച്ച റിപ്പോര്‍ട്ട് അംഗീകരിച്ചത്. സ്വദേശിവല്‍ക്കരണ നടപടികളെക്കുറിച്ച് വ്യാജ വിവരങ്ങള്‍ നല്‍കുന്നവര്‍ക്ക് ചുരുങ്ങിയത് 10,000 റിയാല്‍ പിഴ ചുമത്താന്‍ നിയമഭേദഗതി ശുപാര്‍ശ ചെയ്യുന്നുണ്ട്.
തൊഴിലാളികളുടെ എണ്ണത്തിനുസരിച്ച് പിഴ ഇരട്ടിക്കും. വ്യാജ സ്വദേശിവല്‍ക്കരണം ഇല്ലാതാക്കാനും സ്വദേശികള്‍ക്ക് കൂടുതല്‍ തൊഴിലവസരം സൃഷ്ടിക്കാനും ഉദ്ദേശിച്ചാണ് 2000 നവംബര്‍ 29ന് പുറത്തിറക്കിയ റോയല്‍ കോര്‍ട്ട് വിജ്ഞാപനത്തില്‍ ഭേദഗതി വരുത്തിയതെന്ന് വാര്‍ത്താവിതരണ മന്ത്രി ഡോ. ആദില്‍ അത്തുറൈഫി പറഞ്ഞു. ഘട്ടംഘട്ടമായി രാജ്യത്ത് സ്വദേശിവല്‍ക്കരണം നടപ്പാക്കിവരികയാണ്.
എന്നാല്‍, ചില സ്വദേശികള്‍ ഇതിനെ മറികടക്കുന്നതിന് വ്യാജ നിയമനങ്ങള്‍ നടത്തുന്നത് ശ്രദ്ധയില്‍പ്പെട്ടതിനെ തുടര്‍ന്നാണ് നിയമത്തില്‍ ഭേദഗതി ആവശ്യപ്പെട്ട് ശൂറാ കൗണ്‍സിലും തൊഴില്‍ മന്ത്രാലയവും രംഗത്തെത്തിയത്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."