HOME
DETAILS

മുസ്‌ലിം വിലക്കിനെതിരേ ബഹുരാഷ്ട്ര ഐ.ടി കമ്പനികള്‍

  
backup
February 07 2017 | 19:02 PM

%e0%b4%ae%e0%b5%81%e0%b4%b8%e0%b5%8d%e2%80%8c%e0%b4%b2%e0%b4%bf%e0%b4%82-%e0%b4%b5%e0%b4%bf%e0%b4%b2%e0%b4%95%e0%b5%8d%e0%b4%95%e0%b4%bf%e0%b4%a8%e0%b5%86%e0%b4%a4%e0%b4%bf%e0%b4%b0%e0%b5%87

വാഷിങ്ടണ്‍: ട്രംപിന്റെ കുടിയേറ്റ വിലക്കിനെതിരേ ആഗോള സാമൂഹിക മാധ്യമങ്ങളുടെ കൂട്ടായ്മ കേസ് രജിസ്റ്റര്‍ ചെയ്തു. ഫേസ്ബുക്ക്, ഗൂഗ്ള്‍, ആപ്പിള്‍, ഇന്റല്‍, സ്‌നാപ്ചാറ്റ്, നെറ്റ് ഫ്‌ളിക്‌സ് തുടങ്ങി അമേരിക്ക ആസ്ഥാനമായി പ്രവര്‍ത്തിക്കുന്ന 97 കമ്പനികളാണ് ട്രംപിന്റെ മുസ്‌ലിം വിലക്കിനെതിരേ കോടതിയെ സമീപിച്ചത്.
സാന്‍ഫ്രാന്‍സിസ്‌കോയിലെ സിലിക്കണ്‍വാലി കേന്ദ്രമായി പ്രവര്‍ത്തിക്കുന്ന സ്ഥാപനങ്ങളാണിത്.
മുസ്‌ലിം രാജ്യങ്ങളില്‍ നിന്നുള്ളവരെ തടയുന്ന നടപടി തങ്ങളുടെ ബിസിനസിനെ ബാധിക്കുമെന്ന് കമ്പനികള്‍ പറഞ്ഞു. ട്രംപിന്റെ യാത്രാവിലക്കിനു പിന്നാലെ ഈ കമ്പനികള്‍ വിദേശത്തെ തങ്ങളുടെ ഉദ്യോഗസ്ഥരെ തിരിച്ചുവിളിച്ചിരുന്നു.
കുടിയേറ്റക്കാര്‍ മൂലം യു.എസ് സമ്പദ്‌വ്യവസ്ഥയില്‍ ഉണ്ടായ നേട്ടം കഴിഞ്ഞദിവസം സമര്‍പ്പിച്ച നയന്‍ത്ത് സര്‍ക്യൂട്ട് ഹരജിയില്‍ പറയുന്നു.
നേരത്തെതന്നെ ഇത്തരമൊരു അപ്പീലിനെക്കുറിച്ച് ആലോചിച്ചിരുന്നെങ്കിലും പുതിയ സാഹചര്യത്തില്‍ നടപടി വേഗത്തിലാക്കുകയായിരുന്നുവെന്ന് കമ്പനിവൃത്തങ്ങള്‍ സൂചിപ്പിച്ചു. അമേരിക്കയിലെ ഐ.ടി കമ്പനികളെ ലോക നിലവാരത്തിലേക്ക് ഉയര്‍ത്താന്‍ കുടിയേറ്റക്കാരുടെ പങ്ക് വലുതാണെന്നും അവരെ തടയുന്നത് വന്‍ പ്രത്യാഘാതം സൃഷ്ടിക്കുമെന്നും ഹരജിയില്‍ പറയുന്നു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."