തിരുവനന്തപുരം: സമസ്ത കേരളാ ജംഇയ്യത്തുല്‍ ഉലമാ സെക്രട്ടറി, സമസ്തകേരളാ ഇസ്‌ലാംമത വിദ്യാഭ്യാസ ബോര്‍ഡ് ജനറല്‍ സെക്രട്ടറി, കേരളാ ഹജ്ജ് കമ്മിറ്റി ചെയര്‍മാന്‍, സുപ്രഭാതം ദിനപ്പത്രം ചെയര്‍മാന്‍, റഹ്മാനിയ്യാ അറബിക് കോളജ് പ്രിന്‍സിപ്പല്‍, ജംഇയ്യത്തുല്‍ മുഫത്തിശീന്‍ പ്രസിഡന്റ് തുടങ്ങിയ നിരവധി സ്ഥാനങ്ങള്‍ വഹിച്ചിരുന്ന മര്‍ഹൂം കോട്ടുമല ബാപ്പുമുസ്‌ലിയാരുടെ അനുസ്മരണസമ്മേളനം നടത്തി.തിരുവനന്തപുരം സമസ്താ ആസ്ഥാനത്ത് നടന്ന ചടങ്ങിന് സമസ്താ ജില്ലാ ജനറല്‍ സെക്രട്ടറി നസീര്‍ ഖാന്‍ ഫൈസി അധ്യക്ഷനായി
സമസ്ത ജില്ലാപ്രസിഡന്റ് വിഴിഞ്ഞം സഈദ് മുസ്‌ലിയാര്‍ ഉദ്ഘാടനം ചെയ്തു. ബീമാപ്പള്ളി ഫഖ്‌റുദ്ദീന്‍ ബാഖവി, ചുള്ളിമാനൂര്‍ അഹ്മദ് റഷാദി, മുഹമ്മദ് യഹിയാ നിസാമി, പെരുമാതുറ ഷറഫുദ്ദീന്‍ ബാഖവി, അഷ്‌റഫ് ബാഖവി പേരുമല, അര്‍ഷുദ്ദീന്‍ മുസ്‌ലിയാര്‍, ഷാനവാസ് കണിയാപുരം, ഹസന്‍ ആലംകോട്, വിഴിഞ്ഞം ഹുസയ്ന്‍ മുസ്‌ലിയാര്‍, സലീം വേളി, സുബൈര്‍ വഴിമുക്ക്, ഹുസൈന്‍ ദാരിമി, അഡ്വ. ഹസീം മുഹമ്മദ്, അസീസ് മുസ്‌ലിയാര്‍ ബീമാപ്പള്ളി എന്നിവര്‍ പങ്കെടുത്തു.