HOME
DETAILS

നിയന്ത്രണംവിട്ട ലോറി തലകീഴായി മറിഞ്ഞ് ഡ്രൈവര്‍ക്ക് പരുക്ക്

  
backup
May 28 2016 | 22:05 PM

%e0%b4%a8%e0%b4%bf%e0%b4%af%e0%b4%a8%e0%b5%8d%e0%b4%a4%e0%b5%8d%e0%b4%b0%e0%b4%a3%e0%b4%82%e0%b4%b5%e0%b4%bf%e0%b4%9f%e0%b5%8d%e0%b4%9f-%e0%b4%b2%e0%b5%8b%e0%b4%b1%e0%b4%bf-%e0%b4%a4%e0%b4%b2%e0%b4%95

കരുനാഗപ്പള്ളി: ദേശീയപാത വവ്വാക്കാവിനു സമീപം ലോറി നിയന്ത്രണം വിട്ട് തലകീഴായി മറിഞ്ഞ് ഡ്രൈവര്‍ക്ക്  പരുക്കേറ്റു.
പാലക്കാട് മുതലമട കിഴക്കേക്കാട് വീട്ടില്‍ ദിനേശ് (25)നാണ് പരുക്കേറ്റത്. ഇയാളെ താലൂക്കാശുപത്രിയില്‍ പ്രവേശിപ്പിച്ചു. ഇന്നലെ രാവിലെ ഏഴോടെ  ഫാര്‍മസി കോളജിന് സമീപത്തായിരുന്നു അപകടം. പെരുമ്പാവൂരില്‍ നിന്ന് പ്ലൈവുഡ് കയറ്റി കൊല്ലത്തേക്ക് വരികയായിരുന്ന നാഷണല്‍ പെര്‍മിറ്റ് ലോറിയാണ് അപകടത്തില്‍പ്പെട്ടത്. ശബ്ദം കേട്ട് ഓടി കൂടിയ നാട്ടുകാര്‍ ക്യാബിനില്‍ കുടുങ്ങിയ ഡ്രൈവറെ ഗ്ലാസ് പൊട്ടിച്ച് പുറത്തെടുക്കുകയായിരുന്നു. മറ്റൊരു വാഹനത്തിന് സൈഡ് കൊടുക്കവേ നിയന്ത്രണം വിട്ട് മറിയുകയായിരുന്നുവെന്നാണ് കരുതുന്നത്.
ദേശീയ പാതയിലെ റീ ടാറിങിനെ തുടര്‍ന്നു  റോഡ് ഉയര്‍ന്നത് മൂലം റോഡിന്റെ ഇരുവശത്തുമുള്ള ചരിവുകളില്‍ ഇറങ്ങി വാഹനങ്ങള്‍ നിയന്ത്രണം വിട്ടു മറിയുന്നത് ഇവിടെ പതിവായിട്ടുണ്ട്.  കഴിഞ്ഞ ആഴ്ചയില്‍   ആനന്ദ ജങ്ഷന് സമീപത്ത് സമാന രീതിയില്‍  മറ്റൊരു ലോറി തലകീഴായി മറിഞ്ഞിരുന്നു. അശാസ്ത്രീയമായ റോഡ് നിര്‍മാണത്തിനെതിരേ വ്യാപക പ്രതിഷേധമുയര്‍ന്നിട്ടുണ്ട്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."